[جورية القسام]

العرس :

1-رقصة السلو : بيوقفوا متل الألف متل كأنو في شي حصة، وبيميلوا مره شمال مره يمين كأنو عم يساوو تنويم مغناطيسي للحضور.
2-الرقص الشرقي : العريس ببلش يكشّ دبان بـ اديه و، مع الحرص بالابتعاد أكبر مسافة عن العروس مشان ما يشمطا كف بالغلط ينزعلها شعراتا يلي حاطط حق تزبيطن هديگ الحسبة، والعروس بتحمل الخيمة عفوا الفستان وبتبلش تهوّي الحضور فيه، معها حق بكون شوب
أول العرس بيطلعوا ا
لصبايا بيرقصوا طبيعي، و هي بتوصل الكاميرا لعندون بتقلب الوحدة منون شاكيرا أو جينيفر لوبيز...
وطبعاً لازم يكون في وحدة عم تشرح الغنية بـ اديها كأنو الحضور صم بكم أو من ذوي الاحتياجات الخاصة.
3-فقرة تقطيع الكاتو : وقتا بفكر العريس حالو خالد بن الوليد وببلش يلولح بالسيف مع وجود العروس جنبه يعني بأي لحظه ممكن يقطعلها راسها و هيك بكون انتهى العرس