رد: هنا مدونتي فلا تقتحموها
عمـــر!!
ورب البيت والعزه قسمت بخالقن جـــــــبار
بأن اليوم انفسنا بكت من حر مافيها
قناة الفسق والذلة قناة العربدة والـــــــعار
تقلب في مشاعرنا تموتها وتحييها
ي ام بي سي وقدتي بجوف المسلمين النار
نزل سهمك بليا شك وطاح بسوق باغيها
جعل زلزال من تحتك يشيلك او يجك اعصار
يبيدك ثم يبيد اللي تفاهاتك يمشيها
ابسأل ياهل الوقفة ولابي منكم اعـــــــذار
الا ياكيف ناكلها ونبلعها ونرضيها
صحابة خير هالامة وهم من بعده الاخيار
يمثلهم سفيه القوم عجزت اني اعديها
ابسأل وين اهل الدين ؟؟ وبسأل شاللذي قد صار
مشايخنا وقادتنا ابسال وين مفتيها؟؟
رحمك الله ياشيخن لغير الحق ماتختار
رحمك الله يابن باز عسا الجنة تلاقيها
فتيت انه ابد مايجوز نجسد راشدين ابرار
وحطوا فتوتك هامش وهذي هي تواليها
ابسأل هو كذا الصديق رفيق محمدً بالغار
كذا الفاروق ياعالم؟؟ على الخطاب نرميها؟؟
كذا عثمان بن عفان !! ابسأل هو كذا المغوار
نشوه صورته بعيوننا ونقول وش فيها!!
و عليً !! هو فتى الاسلام عزيز القوم والكرار
تجسد باتفه العالم من اقصاها لدانيها
الا يالله يامحيي بامطارك هشيم اشجار
دعينا من صميم القلب دعوه وانت لبيها
تعز اسلامنا وتذل ذاك الفاسق الغدار
يدس السم من خبثه مكيداته يسويها
ولا صاح النذير احنا لسنتنا سند وانصار
سبيل الله يغنينا عن الدنيا واراضيها
نفوسن ترجي الجنة وجوب تكمل المشوار
وتبذل في سبيل الله ولجل الحق غاليها
وانا من غيرتي للدين ودمن في وريدي حار
وذمة حق في نفسي وجوب اني ابريها
فدا لسنة محمدنا حصرنا مجمل الاشعار
ليامن جالنا طاري بنات الفكر نسبيها
وصلاة الله على محمد كثر ماهلت الامطار
وكثر دمعن من الخشية نزل من عين باكيها
|