كرسيك المنبر
كرسيك المنبر
ياطاهر الروح يا صادق في اقوالك
صدقت ربك ونلت اللي تمنيته
النصر والا الشهاده كان موالك
تحرير الاقصى هدف ما يوم مليته
طلبت موت الشهاده طاب لك فالك
الموعد الفجر بعد الفرض ما أديته
في يوم الاثنين ساقت روحك أعمالك
نحسبك فايز رضى الله عنك ما أرضيته
من دمك أرويت كبد الارض يهنالك
أشتاق قبرك لحضن أعضائك الميته
يرحمك ربي عساه يكثر أمثالك
عزيز معتز انت العز ربيته
رحلت لكن تركت العز لابطالك
حب الجهاد أنبنا في قلوبهم بيته
تاريخك الحي يشهدلك ولافعالك
يا شيخ لانامت أعين كل من جيته
زلزلت قوة بني صهيون بأقبالك
ناضلت جاهدت سيف الله سليته
لله درك كسرت بعزمك أغلالك
هزيت قلب العدو يومك تحديته
موتك رساله الى من خيب أمالك
يا ناصر الدين يامن قد علا صيته
ودعت كرسي تشرف يوم لك شالك
شاهد على كل موقف فوق أجريته
كرسيك المنبر اللي
حرك رجالك
في جيش واحد على المحتل جريته
ياشيخ ياسين فكر قردن أغتالك
انه يوقف مسيرة جيش مشيته
ياسين يرحمك ربي جعل منزالك
في جنه الخلد يالله جعلها بيته
|