[حسام المصرى]

صليت التراويح ^^

الصلاة ساعتين وربع تقريبا ^^

المهم خلصت وجيت أركب مواصلات .. ياربى .. المواصلات زحمة خالص .. ساعة مشان أركب

وحصل كمان حاجة ضايقتنى

شاب وزجته منتقبه كان بده يركب .. السواق قاله الكرسى محجوز بطريقة وحشة أوى .. فالراجل قاله اتكلم عدل .. السواق قاله طب أنا نازلك ..

بصراحة أنا وصاحبى كنا بس اللى واقفين أدامه .. انا شفت السواق داخل للراجل .. وبصراحة أنا ولا جسمى جامد ولا أعرف أسلك والسواق شكله متشرد أساسا .. بس حسيت الراجل مظلوم وصعب أسيبه ..ههههههه

رحت ماسك السواق من ايده وحاولت أسلك .. خدتلى بوكس فى شفتى .. وهما بيضربوا ..

زى الفل

والله بقى واجعنى .. بس اعمل ايه بقى ^^

المهم الناس اتجمعت .. وحاولت تسلك بس أنا كنت ماسك السواق واحنا بنسلك وعائق حركته شوية عشان يضرب أكتر ..

بعدين الموضوع انتهى الحمد لله ..


بعدين روحت منطقتنا

كالعادة الناس سهرانة للسحور والملحات فاتحة وعربيات الفول والكنافة والقطايف .. اشتغلت .. والناس بتشترى ^^

اشرتيت أنا كمان فول .. وبقية السحور زبادى ولبن وجبنيات .. وأدينى اتسحرت الحمد لله

والله أنا فرحان أوى أوى برمضان ..