[جورية القسام]

الناس دي مين؟
سيبك من لون أو دين
مش بني آدمين؟!
وللا عشان مسلمين ..
يبقى حلال فيهم..
السحل والتقييد
القتل والتشريد
الذل ولا العبيد
يبقى وطنهم ويعيشو فيه متغربين..،
هربانيين،
مستخبيين.
حلال فيهم..
القهر والفقر والعُـهر!..
الدبح والشنق.. الجوع والحرق!..
والفُـجر!
ولازم الخلاص منهم وكأنهم ميكروب أو آفة
حاجة مالهاش تمن ومش متشافة
وكأن دينهم جريمة وللا عار ع الجبين
كل جرايم الإنسانية.. في بورما مسرحية!
والفرجة مجاناً.. بس أحياناً..
تدفع دمعتين
كل جرايم الإنسانية.. في بورما مسرحية!
تبكيلها عيون الأرض
تتهزلها الجبال بالفرد
والعالم بيتفرج عامل أعمى في صالة العرض!
ودن طين والتانية عجين
ماعرفش ليه.. هي الناس دي إيه.. وليه ساكتين؟!
قلوبهم حجر؟
نفسي أعرف بيحكمو إزاي ع البشر
وبأنهي شرع ودين
والناس دي مين؟
سيبك من لون أو دين
مش بني آدمين؟!
وللا عشان مسلمين؟!
همه عشان مسلمين!
وهمه عشان مسلمين..
نصرتنا ليهم فرض
نصرتهم علينا دين

لـ ضياء عزت