[حسام المصرى]

أنا بقى .. كانت ليا طموحات أكبر من هيك ومفيش إمكانيات .. مادية عندى .. ^^

والبلد أيام النظام السابق كانت فيها واسطة :)

المهم ..

انا كنت جايب 100 % فى الثانوية العامة ..

كان ليا منحة .. لجامعة فى ماليزيا .. طبعا عملوا اختبارات عشان ينقوا عدد معين .. واللى كسب المنح دى .. ناس مرتاحة ماديا أو آباءهم مناصبهم عليا .. واللى خلانا نتأكد من كده .. ان ولا واحد من زمايلى اجتاز الاختبارات .. يعنى النتائج اتفبركت .. :)

كان ليا منحة من الجامعة الألمانية .... كنت رح أدرس مجانا

بس كان فيه شرط وحش جدا .. ان لو واحد قل عن تقدير جيد جدا كل سنة هيدفع ثمن السنة دى .. طبعا خفت يحصل أى حاجة .. ومقدرش أدفع ثمن السنة خصوصا ان المبالغ كبيرة جدا .. فمقدمتش ..

دخلت هندسة بترول .. والحمد لله .. تحملت ال 5 سنين وأدينى اتخرجت .. ومستنى بس الموقف من الخدمة العسكرية

لان التقديم بتاعى فى شهر 12 .. لو ملبستش جيش .. بإذن الله .. رح أبدأ تقديم فى الشركات .. لو لبست .. فالحمد لله .. ويبقى ربنا عايز كده ..


صراحة كان نفسى أروح منحة .. وأدرس بره ..

وفعلا راسلت جامعة ليدز .. فى انجلترا وراسلت جامعات كتير وكان فيه جهة هتمول تمن المنحة ..

بس لقبت أن الشروط برده عشان أدفع الفلوس ليهم صعبة جدا ..

ولو رحت المنحة على حسابى مش هقدر أوفر المصاريف .. لأن إمكانيتنا يعنى عادية ولله الحمد :)

أنا بتمنى لو اشتغلت فى مصر أشتغل الأول فى أى شركة أمريكية

زى Halliburtopn أو weather-ford .. او أى شركة أجنبية عموما زى Schumber ger او baker huges أو trans ocean

وبعدين أستقر فى شركة مصرية .. زى شركة جابكو او خالدة.. مشان أضمن وظيفة ثابتة بإذن الله ومعاشات وتأمينات وأشياء كتير ..
كويسة ..

الصعوبات اللى بتواجهنى .. ان عدد الخريجين كتير أوى ....وفرص الشغل فى مجال البترول قليله .. أنا مش هتكلم عن الواسطة الومحسوبية كمان وفساد القطاع .. بس اتوقع أن الفسدا ده هيقل بعد ما الدكتور مرسى كسب ..

فكرة السفر للخارج تراودنى .. ^^

بتمنى أسافر الإمارات أشتغل فى شركة أدما ..

أو السعودية أشتغل فى شركة .. أرامكو

أو قطر أشتغل فى شركة قطر للبترول

او الكويت .. أشتغل فى أى شركة بترول .. وده لان العملة هناك عالية جدا .. الدينار ب 21 ونص جنيه مصرى ^^

وربنا يوفقنى ويوفق كل شباب المسلمين ..