[بياع القلوب]

انا من وجهه نظري ليش لا...
انا ماعندي مانع من الزواج من فتاه بعرفها
اوتعرفت عليها ونشأت علاقة حب قويه بينا
وصرت بفهمها وتفهمني وكانت صادقه في مشاعرها معي
وبحب كتير الصراحه والوضوع يعني تخبرني عن حياتها
بشكل تفصيلي حتى لو كانت مرت بتجربه فاشلة سابقه
لانه من وجهة نظري كل انسان له ماضي خاص فيه
وليس له ذنب فيه انه فاشل والانسان بيتعلم من اخطاءه
المهم انه يستفيد من التجربه وما يكررها
وانا بالمقابل واضح جدا وصريح وبعد ما نتكلم عن حياتنا
ازا ما كان هناك اي عقبات وازا تقبلنا وضع بعض وقلبنا صفحات الماضي
بحب افتح كتاب جديد مش صفحه جديده
يعني ما بعود افكر بشي قديم لاني تقبلت منها صراحتها ووضوحها
وبعدها بعرف انها انسانه صادقه وبرتاح في التعامل معاها
وبأمن على حياتي ومشاعري معاها وهي كمان ازا لقتني واضح معاها
اكيد حتأمن الي وحتحبني بصدق وحتحافظ على شرفي
وساعتها بعطيها عيوني وبتصير هي كل شي بحياتي
وازا طلبت عمري بيرخص الها
والواحد منا مش غبي لانه بيحس ازا الي قدامه بتلعب ولا بتحبه
وهيك بتنشأ علاقه قويه بينا مبنيه على التفاهم والحب المتبادل
واكيد هيك انسانه بيشرفني الارتباط فيها لانه بيكفي مشاعرها النبيله
الي قدمتلي اياها ليش اروح ادور على غيرها
ازا انا هدفي من الزواج الاستقرار والسعاده والحب
اكيد ازا لقيتهم مع هاي الانسانه بتزوجها بدون تردد
لانه انشاء مثل هيك علاقات مش سهل وبياخد وقت طويل
وايام وليالي وتفكير ولما اوصل اله ما بتخلى عنه ولا بتنازل عنه ابدا
واكيد مابشك فيها ابدا لانها من بدايه علاقتي فيها كانت صريحه ولم تخفى
عني اي شي وانا قبلت فيها اكيد بحطها بعيوني وبحافظ عليها
وانا بقول هيك عن تجربه وسوف اتزوج بعد شهرين من الفتاه التي بحبها
وبتمنى رضاها وان شاء الله بسعدها اد ما بقدر
وبحب اعطي نصيحه اخيره للشباب والصبايا
ازا الشاب:
الي بفكر انه يتعرف على بنت لازم يكون عقله مرن
وانسان واضح وماعنده مانع من الارتباط في النهايه
لانه بنات الناس مش لعبه في ايديه وازا كان قصده اللعب الله راح يردها
اله بأهله وخواته لازم يكون جدي او بلاش من مضيعه الوقت
وبقول للصبايا:
ازا انت كنت صريحه من البدايه مع الشاب تأكدي انك راح تكسبي ثقته بسهوله
بعدها بتعيشي مرتاحه معاه طول عمرك ولازم تختاري الشخص المناسب الك
وتحاولي من خلال احاسيسك المرهفه تميزي ازا الشخص جدي معك او لا
وما تتمسكي بشخص ازا حسيتي بلحظه انه بيلعب فيكي او بيماطل لانه بيكون بيتسلى
واسف اني طولت عليكم اخواني
وبتمنى الله يسعدكم ويوفقكم ...
اخوكم بياع القلوب