[إسراء الفلسطينية]

[ مرآم ]



بااك ..

اهلا وسهلا حبيبتي


* اكتر شي مشتائالو بالمنتدى ؟

اكتر شي بشـتآق لايام زمااان بالمنتدى ..

والنـآس يلي كانت موجودة هووون ..

كان جو تــآآني .. وكتير حلووو :(

الله يرحم هديك الايام


* ع النت اغلب وئتك شو بتعملي ؟

المنتدى و بقرأ اخبار عربية ودنماركية . . و ع موقع الجامعة و هيك يعني


* انتي مع انو الواحد يهاجر لاوروبا لياخد الجنسية ؟

ممممم اذا كان عايش ببلد مش ماخد حقوقو فيها .. فـ نعم ..

خصوصا نحنا الفلسطينية


* بتحبي تقرأي ؟

مش كتير :/


* سهلة اللغة الدنيماركية ؟ :v مين اسهل و احلى هيا ولا العربي ؟!

للي بدو يتعلمها ع كبر .. بيتعذّب لانو بلاقوها صعبة كتيـــر !

بس هوي اجمالاََ لما تتعلمي شي من انتي وصغيرة .. بتلاقيه سهل . .

اللغة الدنماركية هيك بالنسبة الي .. بحكيها متل ما بحكي عربي

ومرآت بعرف قول الشغلة بالدنماركي .. وبقعد ساعة ادور ع الكلمة او العبارة الصح يلي بالعربي

بس اللغــة العربية أكيد احلـــــى بكتيــر


* دراستك بالانجلش ولا بالدنماركي ؟

دراستي الحالية بالدنماركي .. المحاضارات وهيك كلو بالدنماركي

بس اغلب الكتب بالانجليزي :)


* بتلائي معاملة مختلفة من الي حواليكي عشانك لابسة حجاب ؟

حسب الشخص !

يعني في دنمــآركية عنجد بحسدهم ع أخلاقهم العــآلية .. وبقول يا ريت لو يأسلموا

ما نـآقصهم الا اللإسلام ينوّر قلوبهـــم !

لانو عنجد بكون عندهم الاخلاق العالية يلي ما بتلاقيها عند بعض المسلمين للاسف :/

بس في ناس بالعكس تماما ..

لقيت معاملة مختلفة بالمدارس .. من الاسادزة و بعض الطلاب .. الناس بالشارع ممكن انو يتطلعوا فيكي تطليعة غريبة

كإنك عاملة شي عملة :/

بس برضو تعودت ع كل هل اشيا

مع انها بتجرح القلب .. بس بتزيد من إيمــــآني أكتر أكتر


* في ناس متلك محجبين هناك ؟ يعني بتحسي حالك غريبة ولا لا؟

لا في كتيــــر

خصوصا بالمنطقة يلي ساكنين فيها .. نسبة المسلمين فيها كبيرة كتير ..

يعني ابدا ما بحس حالي غربية :)


راجعة :d

بتنـــوّري مرووومة حبيبتي