[حسام المصرى]

السلفيين .. مش جماعة واحدة .. هذا اولا .. فيه جماعات لها أفكار معينة .. هناك جماعات جهادية .. مسلحة .. منتشرة فى سيناء وهذه الجماعات لا تعرف لغة الحوار كثيرا ..

الا أن الذى يمثل التيار السلفى فى مصر الدعوة السلفية بإسكندرية وحزب النور السلفى .. وغيره من الأحزاب كالأصاله .. وهى احزاب دينية وسياسية على قدر كبير من النضج الدينى والسياسى .. وتصريحاتها غير متناقضة أبدا .. واتحداكى تجبيلى بيان واحد صادر من الدعوة السلفية يقول مثلا أن الثورة خطأ ..



الشيخ حازم لو نجح الانتخابات كان اكتسحها فعلا .. والكلام ده يقوله واحد عايش فى مصر وشايف شعبية الشيخ واعلاناته وكمية التوكيلات اللى خدها والمؤتمرات اللى كان بيعملها .. وعدد الناس اللى كانت بتأيده ..

لو كان خيرت الشاطر أدام الشيخ حازم .. ربما فعلا كان هيبقى فيه منافسة .. لكن غير كده أتصور لا ..

وبعدين نسبه 51 % من الناس اللى شاركوا .. فى بلد فيها نسبة فقر عالية جدا ومسنين ومرضى .. وأمية ..

نسبة كويسة جدا جدا ..

وحاجة تفرح ..

زمان مكنتش النسبة بتوصل ل 1 % ..

بالنسبه لتطبيق الشريعة .. أنا أتحدث من الناحية الفقهيه .. لذلك لن يؤخذ النقاش لعقلى فى هذه القضية ..

الله امر فى كتابه بتطبيق شرع الله ..

يبقى متى اتيحت لنا الفرصة لنطبقه سنطبقه ..

وبعدين لو جيتى بالعقل تدريج ايه بس ..

الشرع لو اطبق كمعاملات ودين وحدود .. هيخلى البلد تنتقل فى أسرع وقت وهتخلى المسيحى قبل المسلم يشعر بالامان وهيبقى فيه حرية وعدل وكل شئ ..

أنا كمان متفاءل ..

ولن أرضى بديلا غير شرع الله ...


أخيرا هما عند وجهة نظرهم ..

المشاركة فى نظام يحكم بدون شرع الله .. هو ظلم وحكم ..

ولم يدخلوا عالم السياسة الا بعد أن قامت الثورة .. لانه أتيحت لهم الفرصة لكى يشاركوا بنزاهة وحرية ..

أما الإخوان كانوا فى مسرحية هزلية صنعها النظام السابق ليوهم العالم ان هناك معارضة فى مجلس الشعب .. ولكن لم تكن هناك معارضة بالمعنى الذى يستحق ..

وغباء كبير جدا من النظام السابق أن انتخابات مجلس الشعب 2010 تم تزويرها بحيث ولا واحد من الإخوان يدخل المجلس .. طبعا كانت غلطة فادحة .. وغبية جدا .. وكذلك حملة جمال مبارك رئيس لمصر .. منتهى الغباء السياسى وكانهم خلاص افتكروا أن الشعب هيرضى بده ..


بالنسبلة لتزوير النتيجة .. دى وجهة نظرك ..


انتى واحدة عايشة فى فرنسا ... لا عمرك نزلتى مصر ولا عمرك شفتى ازاى انتخابات بتتزور .. ولا حتى تابعتى الأخبار على النت عشان تعرفى الطعون اللى اتقدمت كانت بتحكى فى ايه ..

لما تكون كشوف الناخبين مسجل فيها مجندين فى الجيش والشرطة ودول أساسا ممنوعين من التصويت .. ده ميبقاش تزوير ..

لما كشوف الانتخابات اللى فيها الأسماء متتوزعش على الأحزاب ..

لما يكون موجود فى كشوف الانتخابات كمية ناس متوفية بالهبل .. ده مش تزوير ..


لما سصدر تعليمات للمحافظين والاجهزة الحكومية بالتصويت لمرشح بعينه وان يتم دعمه من الجيش هل ده مش تزوير

لما يبقى فيه حاجة اسمها البطاقة الدوارة ..

يعنى مثلا واحد يدخل اللجنة الانتخابية على أساس أنه ينتخب .. يروح عامل نفسه دخل ورقة فى الصندوق وهو أساسا طلع بورقة الانتخابات .. يروح شخص دافعله 100 جنيه مثلا .. وياخد الورقة ويعلم على مرشح معين .. بعدين اللى يدخل .. عشان يتأكد الراجل اللى بيرشى ده انه هينتخب شفيق مثلا .. يروح يديله الورقة اللى متسودة .. ويقولوا خش حطها فى الصندوق وهات الورقة الفاضية اللى هتاخدها .. وهكذا ..


لما يتعمل لنفس الشخص كذا بطاقه .. فى كذا لجنة انتخابية عشان يصوت .. ده مش تزوير ..

لما اللجنة العليا للانتخابات قرارتها تبقى محصنة .. يعنى ترفض الطعون بمزجاها وممكن كمان لو اعلنت فوز شفيق حتى لو الانتخابات مزورة بنسبه 100 % محدش يقدر يقولها حاجة .. ده مش تزوير ..