[نور الهدى]

يعني بصراحة كلامك متضارب .. و حصرت تطبيق الشريعة على اقصاء النساء من المجال السياسي و مقاطعة النصارى و تطبيق الحدود

ما هكذا تورد الابل .. اساسا دخول السلفيين في السياسة المصرية اثار دهشتي و خصوصا انه كل فتاواهم كانت تنص اولا على رفض مبدأ الديمقراطية و ثانيا على مبدأ عدم الخروج على الحاكم و ثالثا عدم الدخول في السياسة

يعني من الآخر (و هذا لا يعني اني ما كنت اتمنى وصول الشيخ حازم بالعكس) السلفيين كانوا بيناقضوا انفسهم.. و كون آراءهم تتغير بين ليلة و ضحاها و تتطور بهذه السرعة الرهيبة ادخل مجال للشك :)

و كمان مش لازم نظن ان لو الشيخ حازم دخل الانتخابات كان اكتسحها لانه ببساطة معظم الناس قاطعوا و مش بسبب خروج الشيخ حازم .. لذلك ما اظن النتيجة كانت رح تتغير

ثانيا مبدأ التدرج طبيعي يكون لان المجتمعات ببساطة ما عندها قابلية للتغييير السريع فلازم يكون في على الاقل مشروع يمتد ل10 سنوات لحتى نلامس تغيير حقيقي و فعال .. هذا المنطق و الدين هيك بيقول فمش عارفة وين وجه الشبهة في الموضوع

بكل الاحوال انا اتمنى فوز مرسي .. و مش موافقة اطلاقا على مبدأ الطعن في النتيجة لاني اساسا مش مؤمنة بانه كان في تزوير .. و كمان لانه مش رح يكون في نتيجة ملموسة

و المدهش في الامر ان كل الجماهير اللي قاطعت الانتخابات (بنسبة 49% تقريبا) قعدت تتحسر على تأهل شفيق و جايين هلأ بدهم يطعنوا في النتائج .. بجد انا مش عارفة هالعقلية من وين طلعت و كان ابعد ما يمكن تصوره من شعب واعي ثائر مثل الشعب المصري

عموما .. انا متفائلة .. و لاني مؤمنة كمان انه الرئيس وحده مش ممكن يعمل كل شيء لحاله، حتى لو كان فيه عيوب اكيد في اطراف اخرى رح تتدخل و تتخذ معه قرارات و تصوب العوج

و ان شاء الله خير :)