رد: حسام المصرى ~ ( هنا مدونتى )
علمونا بالعصايا
ورضعونا الخوف رضاعة
علمونا فى المدراس
يعنى اية كلمة قيام
علمونا نخاف من الناظر
فيمتنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى ما موش باسمع كلامكم
وما تزعلوش لما ابقى خارج النظام
مستنى اية من طفل ربوة بالزعاق
غير المشاكل والخناق
كل اللى يقولك بحبك دول نفاق
انا لما قلت لك بحبك
كان نفاق
الحب يعنى اتنين بيدوا
مش ايد بتبنى وستميت تيت تيت تهدوا
الحب حالة
الحب موش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما لية بقوا مسجونين
يعنى اعيش علشان هدف
علشان رسالة
يعنى احس بقيمتى فيكى
انى موش عايش عوالة
يعنى لما اعرق تكافئينى بعدالة
الحب حالة
موش شعر وقوالة
الحب حاجة ما تتوجديش فى وسط ناس
بتجيب غداها من صناديق الزبالة
|