[حسام المصرى]

انا مقرأدش ردودكم .. بس بوعدكم هقراها وأرد عليها ..


عموما ..

القصة وما فيها

أنا مقصدتش الأمة يعنى الأشخاص الفلسطنيين اللى غيروا .. صور البروفايل

أنا قصدت الأمة يعنى كل فرد .. كل دولة بحكومتها وحكامها .. ايش ردود أفعالها تجاه كل القضايا ..

الواحد بيشوف الدول الأجنبية كل دولة بتحكى نحن لا نعترف بدولة إسرائيل نحن متعاطفين مع فلسطين ..

وبنشوف نشطاء منهم .. بيموتوا فى أراضى فلسطين

وده لأنهم ناس عندهم قضية مؤمنين بيها وهى قضية الإنسان وكرامته ..

احنا .. للأسف بنحكى بنحب فلسطين ومؤمنين بالقضية لكن الأفعال مفيش خالص .. لو كنا مؤمنين بالقضية فعلا كنا اشتغالنا عشانها

القصة مش شعارات .. وخلاص

هل التنديد ومشاركة فيدوهات المذابح على الفيس بوك والمواقع .. حقق شئ ..

فعلوا مذابح واستمروا فى فعلها وسيستمروا لو فضلنا كده ..

كل فرحتنا أن الأسرى اتحققت مطالبهم ..

مسألناش نفسنا أن فيه قوانين دولية فى معاملة الأسرى إسرائيل خالفتها كلها .. وممكن يتم مقاضاتها لو كنا صف واحد ..

ليه ميكونش هدفنا هو تحرير الأسرى كلهم .. وتحرير القدس ..


الطفل الإسرائيلى وهو صغير بيتربى على كراهية المسلمين وبيعرف عقيدته كويس وان احنا لازم نحاربهم ونقتلهم .. وبيعلموا الأطفال ضرب السلاح .. وبيحولهم القدس ده وطننا وما تسبوه أبدا ولو على جثثكم ..

أما احنا بقى مفيش ..

أطفالنا بيطلعوا مدلعين وبيلعبوا المزرعة السعيدة على الفيس بوك ..

وأساسا .. الكبار والصغار يمكن ما يعرفوش شئ عن مذابح إسرائيل ولا النزاع العربى الإسرائيلى ومذابح اليهود طوالها ..

متربوش على أن فلسطين دى وطنهم .. وان المسجد الأقصى ده رمز مقدس .. وأن حرمات المسلمين شئ عظيم ..

للأسف .. كلنا عارفين أن المسجد الأقصى ممكن يتهدم فى أى لحظة .. وعارفين ان عملية تهويد الأقصى مستمرة والمستوطنات كل يوم بتزيد .. ومع ذلك مفيش شئ ..

ليش أبناء العرب ما يعملوش موقع كبير يضم تاريخ فلسطين كلها والحروب ويحط فيها مذابح إسرائيل كلها ويفضحهم فى العالم ..

ليه أبناء العرب ما يضغطوش على حكوماتهم انهم يلغوا التطبيع .. والذل ..

ليه منتوحدش على هدف واحد ..

ليه دول الخليج الكبيرة اللى لو أعلنت مرة واحدة أنها هتوقف تصدير البترول لأمريكا وغيرها من الدول اعتراضا على مذابح فلسطين ...

ليه منحسسهمش أن احنا اللى أقوى منهم .. وهما ولا حاجة ..

ليه هما بيحكوا تصريحاتهم بقلب قوى ومش بيخافوا شئ .. أما احنا مش فالحين غير فى التنديد .. أو أن مصر تعمل اتفاق بين إسرائيل وحماس على هدنه .. وحتى الدور اللى بتقوم بيه مصر .. وإن كان لا يؤثر كبيرا فى القضية .. إلا أننا لا نرى أى دول تتحد مع فلسطين سياسيا .. وحماس دائما تحكى .. حكومة مصر دائما ثقتنا ...


ليه السعودية .. متبعتش وقود لفلسطين وهى أساسا عندها ملايين الأطنان من البترول ..

ليه حكومة فتح وحماس متتوحدش ..

ليه المقاومة كلها متبقيش ايد واحدة ..

كنت اتمنى أن يحصل مظاهرات فى كل دولة عربية قصاد سفارة إسرائيل نطالب بقطع العلاقات معهم بسبب قضية الأسرى ..


بس للأسف أنا نفسى معرفتش قضية الأسرى غير قريب أوى .. وكذلك كتير ..

فلسطين لم تعد قضيتنا ...

هذه هى الحقيقة .. المؤلمة ..

لمتى ؟؟

وقضية الأسرى ما كانت رح تنحل .. لو فضلنا حطين صورنا إن شا الله .. شهور ..

لكن لولا الدول الأجنبية اللى تظاهروا فيها ... ووصل الأمر أمام الرأى العالم العالمى .. والمخابرات المصرية ..

لما حدث شئ ..