[PaLeStiNe FlOwEr]

مبارح كان مغامرة ع الأخر

المهم بابا وافق نروح أنا وأختي ,, وصحباتنا التنتين وافق أبوهم برضو يروحو

ابونا وأبوهم وافقو لأنو احنا حنروح سوا

رحت جبتهم هما وأختي من الجامعة ورحنا ,, كان الجو بجننن


كان عن الأسرى وهيك ,, وأطلقوا مشروع عالمي للأسرى ,, ووزعو علينا أسماء الأسرى الي بالعزل الانفرادي ,,

وكل وحدة لازم تتابع اسم اسير ,, أنا طلعلي الأسير ابراهيم حامد الله يفك أسره يارب ..


المهم بخلص ع الـ 8 ,, احنا اتفقنا نروح 7:30 مشان نلحق نوصلهم ونروح أنا وأختي ,,

7:25 اتصلت ماما وخبرتنا انو الجو غبرة كتييير وانتبهو ,,

فش دقيقتين ولا هما وقفو الحكي وحكو انو غبرة ولازم نروح ,,


روحنا وكان الجو مغبر ع الأخر والرؤية شبه معدومة ..

مشينا بكل أمان وعادي وبنضحك والبنات بصوروا الجو ,, في دخلة لازم ندخلها ولا قبل لنصلها صار في زوابع ودوامات

وغصنا بوحدة منهم لا احنا شايفين اشي قدامنا ولا ورانا وصوت العاصفة مرعب جداً جداً ,, للأمانة صرنا نعيط ونتشاهد

ما توقعنا نطلع منها بسلام أبدا ً

كان نفسي أوقف السيارة بس خايفة حد يدعمنا من ورا ,, ومن قدامنا خايفة ادعم حد لأنو ما في اشي مبين

طبعا ً ماشين نتفة نتفة ,, تقريبا ً 3 دقايق وبلشت تخف الغبرة شوي شوي ,, لما بينت الرؤية شوي لقيت الدخلة فاتتنا ,, كان نفسي أطلع فوق الترابية وأروحلها بس خفت يكون حد ورانا لأنو مش شايفين ورانا ,,

ضلينا نمشي يمكن تلت ساعة ع البريك وخفيف لحد ما لقينا return

وردينا رجعنا نفس الطريق لندخل الدخلة الي فاتتنا ,, وصلنا البنات ,, وكنا ناويين نطلع نعد عندهم وبابا يجي يروحنا ,, بس توكلنا على الله وروحنا ,,

طول الطريق مشغليين سورة البقرة ,,


وما بعرف كيف وصلنا البيت بأمان ,, جد كان جو مرعب ع الأخر ..


الحمدلله على كل حال ..~