[برآءة عبد]

ريتك تسلمي لألبي شو بحبك .. ^^

أسئلتك حلوة كتييير ع فكرة

المشاركة الأصلية كتبت بواسطة clara

آلأغلب قآعد بسأل فيكـِ أسئلة جآمدة

خليني أنآ أسئلكـ أسئلة فرفشة

1- عمركـ وقعتي بآلشآرع ؟
إزآ آهـ كآن في نآس بآلشآرع ؟
وإيش كآنت ردة فعلهم ؟

هههههه .. وئعت بمكان أصعب من الشآرع .. وئعت عن المبنى الرئيسي بالجامعة الساعة 12 بالزبط وكل الشباب طالعين من المحاضرات أجيت بنصهم هههههههههه .. وطبعاً الشباب زبالة دايماً .. ي ساتر يا الله وجواتهم بضحك .. ههههه

2- حآفزة أغنية من ترآثنآ بضلكـ تغنيهآ ؟

أكيييييد .. أنا أكتر شي بغنيه التراث .. وعند النوم عشان أغفى لحالي ..
بس أكتر أغنية بحبها تهليلية يآستي
يآ ستي يا ستي غاب القمر جيتي انتي .. غاب القمر ونجومه وضويتي علينا انتي ..
هي وهي وهيلية يا غزلان البرية .. وكل من يوقع بالشدة وينده يا بتولية ..
بتولية راحت ع الشام لاقوها كل العرسان .. يا عريس هدي خيلك حتى تفكفك حناها ..
ويا بياع العنب والعنبية .. خطفوني الغجر من تحت خيمة مجدلية ..
والتيشتشي والتيشتشي والخوخ تحت المشمشي وكل ما هب الهوا لقطف لريما مشمشي
ريما ريما الحندقا شعرك اسود ومنقا .. الي حبك بيبوسك والي بغضك شو بيتلقى ..

^^

3- إحكيلي شوية عن شقآوتكـ بأيآم آلطفولة ؟

مش بس بأيام الطفولة .. أنا طول عمري شقية .. ههه
بتزكر اني من انا صغيرة بحب الكراتيه كنت دايما أتابع قناة أسمها قناة الأقصى .. بتجيب أناشيد فيها عروض لكتائب القسام .. وكل ما اشوف حركة حلوة اروح اصير اعمل متلها .. فمرة خطر عبالي أجرب حركة هههههه الساعة 12 بالليل .. لا ومندمجة مع الانشودة معلية الستيريو .. عملتها طرت بالهوا وهوووووب وئعت على اجري وصرت انادي على اهلي محدش سامع البركة بالستيريو .. لا صرت اصرخ اجت امي علي هي والوالد واتصلوا ع خيي المسكين روح من عند خطيبته ركض ونئلوني المشفى هههههه .

4- برآءة كل عيد عَ آلتلفزيون بعرضو مسرحيآت من حرب سيدي
[ آلوآد سيد آلشغآل ، ريآ وسكينة ، آلعيآل كبرت ، مدرسة آلمشآغبين ]
بتحضريهم ؟ إزآ آهـ إيش أكتر مسرحية بتحبيهآ وليش ؟

يآ الله شو بكرههم بحياتي ما حبيت وحدة فيهم .

5- إيش آلبرآمج آلترفيهية إلي بتحضريهآ عَ آلتلفزيون ؟


ما عمري تابعت تلفزيون ..

6- إيش رأيكـ بآلنآس آلمتفزلكة آلمتفلسفة ؟
يما شو بكرههم .. كانت معاي بنت بالتوجيهي هيك بس تحكي الكل بده يئوم ويخرسها ههههه . يعني يا ريت فلسفة حلوة لاااااء .. حكيها كله فاضي وغالبا هيك المفزلكين بس بدهم يحكوا مش مهم شو يحكوا المهم حكي .


7- ليش بتحبي آلشخص يكون فيه حبة غرور ؟

يآآآآآآآآآآآآآآآآآآآآآآآآه شو بحب هالشغلة . . كتير بحبها .. بكون شايف الناس كلهم ولا اشي وهو ملك .. ويا سلام لما تتعرفي عليه رح تلائيه اكتر انسان البه طيب وصدئيني . في بنات حلوة عليهم هاي الحركة .. بس في بنات بحسب الله ما خلئها ازا شافت شي يوم حالها علي ..

8- برآءة شآيفة حآلهآ مغرورة ؟

فيكي تحكي عندي شوية غرور .. بس مش كتير يعني .. ههه


//

وبس هيكـ

أسئلتك كتير حلوة ...