[حسام المصرى]

المشاركة الأصلية كتبت بواسطة Hlaa Alrouh اخ حسام والله لو تشوف الوضع بغزة لعزرت اهل غزة لو شو ما حكوا
لوشفت طوابير الناس طول الليل سهرانين بالمحطات ليحصلوا عالسولار
لو شفت بهدلة الموصلات وانت رايح عالجامعة كمان رح تعذرهم


بعدين اهل غزة حاطين كل املهم بمصر
خصوصا بعد الثورة لانه هى نافذتنا الوحيدة
وما بننسى كيف ساعدتنا باصعب الاوقات

وكمان مصر ما بتعطينا الوقود مجانا حتى التهريب عبر الانفاق
ومجبورين نرضى بهاى الطريقة لانه ما فى طريقة غيرها

ما فى غير نحكى حسبي الله ونعم الوكيل
وربنا يفرجها

ليش الحكومة الفلسطينية ما تستورد من قطر مثلا ..

قطر عندها أضعاف وأضعاف من الغاز ..

مصر عندها عجز وبعدين جو البلطجة اللى فى البلد دلوقتى مخلى فيه حجات كتير تنقص ..

والله وانا فى السويس .. الرصاص بيضرب فى عز الظهر والبلطجة والمخدرات فى عز الظهر .. الله يكون فى عون الشرطة والجيش .. ولو بصيتوا للسلاح اللى داخل من ليبيا واللى داخل من السودان ..

كل يوم بقرأ شحنات بيتم تهريبها لمصر .. أسلحة متظورة جدا ومضادات صواريخ ..

وأساسا حقول البترول اللى بتبقى فى سينا أو خليج السويس .. وانا كنت بدرب هناك .. لأنى مهندس بترول .. إن شاء الله ..

بيطلع عليها العرب والبدو ومعاهم رشاشات .. وتنكات .. ياخدوا اللى هما عايزينيه من الووقود ومحدش يقدر يقولهم حاجة .. لأنه مفيش امن فى المنطاق دى كتير ..

مشكلتكم نفس مشكلتنا .. والصور اهى ..





وادى الناس اللى مش لاقية أنابيب ولا كأننا فى العالم التالت ..





مجلس الشعب امبارح والله كان بيستجوب وزير البترول فى القضية دى ..

احنا عندنا غاز كتير وعندنا فى البحر المتوسط مصارد كتير أوى .. للغاز

الناس دى المفروض يتعملها شبكة غاز فى القرى والأرياف عشان احنا مواطنين مصريين من حقنا نعيش بكرامة ..

وبعدين اختى ما تعلقى آمالك على أحد .. فقط الله ..

الشعب حتى الىن مستفدش حاجة من الثورة ولا معيشة ارتفعت ولا أمن اتوفر ولا عدل اتحقق ..

أدينا مستنيين الرئيس الجاى والحكومة الجاية ونشوف إزاى هيستغلوا إمكانيات دولة عظيمة بحق مصر ..

الصبر ..

وملاحظ بتحكوا فلوس فلوس .. الموضوع مش قصة فلوس خالص .. أساسا محطة الكهربا ومشاريع كتير فى غزة مصر عملتها بمقابل مادى صغير جدا ..

والله مدينة غزة عايشة بمستوى معيشى أعلى من نص محافظات مصر إن لم يكن أكتر ..

إذا انتم بتعملوا هيك

امال الناس هنا تعمل ايه .. انزلوا مصر ورح تحمدوا ربكم ..