[حسام المصرى]

اخى .. أنا ذكرت أنا لا أرضى بالتهريب ..

ولكنى أرضى بدعم غزة .. وتصدير الوقود لها ..

التهريب حتى بيبقى سوق سودا يعنى لو مصر هتديلهم وقود مثلا التر بتاع السولار ب 2 جنيه ..

التجار اللى فى العريش وسينا العرباوية اللى بيهربوا الوقود .. هيبيعواه بسعر أكتر وده هيضر مصر وغزة فى نفس الوقت .. ومش هيبقى فيه عدالة فى توزيع السلع المهربة دى على المواطنين ..


أنتا دخلت فى مقارنات وعراق وصدام ..

ارجع للتاريخ القديم والحديث واعرف مصر عملت ايه .. وهتفضل تعمل للعالم العربى والإسلامى ..


انا الصح بحكى عنه صح والخطأ بحكى عنه خطأ .. مش بيهمنى كلام الناس خالص ..

حكومة حماس المفروض تكون مشرفة على الأنفاق وتمنع تهريب أى شئ .. يضر بمصر .. ودايما هما بيوعدوا بكده فى اكثر من لقاء بشوفه بعينى ..

ومش هحكيلك بقى .. عن العمليات الإرهابية اللى تمت فى أراضينا .. الخلايا اللى جت مصر .. جت من وين ؟؟


بالنسبة لقضية إسرائيل .. أيوة انا بحكى من الناحية المنطقية .. فيه معاهدات لكن أنا ضد التصدير طبعا لانه بيضر بلدى أولا .. ولان محافظات زى محافظات الصعيد مش بتلاقى انابيب بوتجاز حتى .. والموضوع اقتصاديا مش نافع ..

وحوارات العصبية القبلية والكلام الغريب ده الحمد لله مش فيا .. أنا بحكى دايما بالمنطق ..

أنا شخص بحب الإسلام أكتر شئ فى الدنيا وبحب وطنى بعده .. وبتمنى ان وطنى يكون ليه دور فى رفعة هذه الامة .. وأننا نشارك كلنا فى ده ..


أوك مصر عاملة اتفاقية مع اليهود واحنا مذلولين بقالنا سنين ..


بس اللى حكوا عن مصر خونة شو عملوا لفلسطين كل السنين دى .. ولا أى شئ .. ؟؟

ومصر فى عز كل شئ شعبها كان بيساعد فلسطين ..

العدو بيطبق سياسة فرق تسد .. وبيحاول يخلى كل الدول تكره مصر وترفض التعاون معاها لأنه عارف أنها الدولة الوحيدة القادر على العودة ...

شوف كده .. بص

ليبيا من الغرب ..

السودان من الجنوب ..

فلسطين من الشرق ..


الخطر بيقرب كل شوية

سوريا ..حاليا وجيشها الشيعى ...

إيران ..

الخليج اللى ما عارف يحمى أراضيه لوحده وحاطط قواعد أمريكا فى كل مكان ..

انتا بقالك سنين بتاخد سلاحك من أمريكا .. لو قطعت علاقتك معاها مين هيديك سلاح .. اوك احنا عندنا هيئة للتصنيع ومصانع حربية وفعلا بنصنع أسلحه وفيه مشاريع اتحطت عشان نعمل طيارات وصواريخ .. بس محتاجين وقت ..

أنا لما بحكى عن مصر مش من باب العصبية ولكن من باب المنطق ..

انا مش عايزها تقع ... وشعبنا مش عايزها تقع ..

المجلس العسكرى او غيره ليه سلبيات وإيجابيات ..

ولو جيت لقصة ايه اللى وصل العرب للى احنا فيه دلوقتى مش مبارك ولا غيره ..

ولكن احنا .. ببعدنا عن بعض لانهم خلونا إزاى نخون بعض .. الامريكان والصهاينة عايزين يوقعوا بين الشعب والجيش وده واضح جدا

حتى احنا لما كنا فى التربية العسكرية كان فيه رجل برتبة " عقيد "

حكى أنتم مش حسين بحاجة ..

ولا تعرفوا المخاطر اللى بتواجه الجيش بتاعنا كل لحظة .. احنا مقدرين حماستكم كشباب .. واحنا كقادة فى الجيش عارفين أن إسرائيل عدونا وهنحاربها فى أى وقت .. فأرجوكم تثقوا بالجيش .. واعرفوا أن احنا مش نايمين .. والصهاينة زى محنا عملنلهم حساب هما عملنلنا 100 حساب ..

أنا بتمنى أننا ناخد قرارات عزيزة للامة كلها بس حاليا وفى ظل وضع العرب وضعف الدول .. بصراحة الوضع مأساوى .. الله يقدم الخير ..

بس منطقيا .. مصر غرقانة فى مشاكل ملهاش حصر ..