[إيمـان]

المشاركة الأصلية كتبت بواسطة حسام المصرى الحمد لله .. ومتشكر جدا يا جماعة على الروح الحلوة دى ..

أنا عملت تحاليل كتيرة وأهم تحليل هو تحليل الدم الكامل ... CBC

المهم .. رحت للدكتور تانى .. ذكرلى .. أن التحاليل سليمة والدم سليم ..

بس أنا كنت قارى شوية فى التحاليل وكده وبشوف نسبة كل مكون بيزيد امتى وليه ؟؟

المهم الدكتور مكنش ملاحظ أن فيه حاجة اسمها ال lymphocyte >> زايدة العن المعدل الطبيعى وأظن ال Platelet كانت قليلة ..

فنبهته قالى أها الحجات دى بتزيد فى حالة الفيروسات .. بانواعها

بس حكالى بس انت شكلك ما عندكش المرض ده كان زمان لونك أصفر وعنيك وكنت كسلان وكده ..

بصراحة أنا مقتنعتش بكلام الدكتور .. إن شاء الله بكره هروح لدكتور تانى .. وأشوفه برده .. هيحكى ايه .. الدكتور اللى مقتنعتش بيه قالى اكشف أنف وأذن وكمان اكشف نظر .. فمستنى أشوف بقى بقية الكشوفات دى ولو أن عشان الواحد يحجز لدكتور كويس أساسا بيحتاج أيام ..

المهم فيه ناس حكتلى وليه تقلق نفسك بلاش تعمل التحليل .. تلت المصريين عندهم الفيروس وعايشين عادى .. لو عرفت أنه عندك ممكن تتعب أكتر

بس أنا صراحة محتار ..

عموما الشكر لكم فرد فرد .. وبالأخص اختى إيمان .. على هذه الروح ..

وقل لن يصيبنا إلا ما كتب الله لنا ..

الحمد لله ..

ونصيحة يا جماعة .. ما حدا يسكت على تعبه حتى لو بسيط

وكل فترة لو الواحد عمل تحاليل وكشوفات مختلفة رح يستفيد ويطمن على صحته جدا

وما تشوفه شر والله يعافيكم بصحتكم

الحمد لله الله يبارك بعمرك اخ حسام