[PaLeStiNe FlOwEr]

المشكلة الناس تركت كل اشي و اجت تعلق على زيارته لإيران ~

وين الناس كانت وقت حرب وحصار غزة ؟؟ وين الحكام ؟؟

حد يعمل بس لشعبو ربع ربع الي عملو قائدنا وتاج راسنا ~

هو وقت زيارته غلط لأنو وقت الثورة واشتعالها .. بس هو مضطر للزيارة وأخرته رح يروح ~

وبعدين هو لبى دعوة اجتو من اسابيع ~

وبعدين ما بننسى انو ايران ساعدت حماس .. وأكيد لما راح ايران كان لأسباب خاصة مع حماس ,,

وحماس أكدت انو سبب زيارتها لإيران نفس سبب زيارتها لباقي الدول .. وهو مناقشة وضع حصار غزة ~



و موقف الدكتور اسماعيل هنية من الثورة السورية واضح جدا جدا

وهاد اقتباس لهنية لكلامو عن سوريا ~

ومن القضية الفلسطينية الى ما يجري في سورية راهنا، قال هنية: «نحن لا نستطيع أن ننكر أن سورية فتحت لنا أبوابها واحتضنتنا». وتدارك «لكن ما يجري في سورية شيء صعب على كل انسان عربي فضلا عن أن يكون فلسطينيا. الدماء السورية عزيزة علينا والشعب السوري عزيز علينا».
وكشف هنية عن أن حركة حماس قدمت من موقفها المسؤول «نصائح كثيرة الى الحكومة والقيادات السورية لاعتماد منهجية الحوار بدل نظرية الأمن في التعاطي مع الأحداث».
وأضاف: «نحن معنيون بأن يتوقف نزيف الدم السوري، وأن تكون الحاضنة العربية هي التي توجد العلاج لقطع الطريق أمام أي تدخلات أجنبية وغربية. لا بد أن يكون هناك إنصات حقيقي وجدّي ومسؤول لصوت الشعب السوري وطموحه وآماله وتطلعاته. من حقه أن يعيش عزيزا كريما في ظل الديموقراطية والاصلاح والتعددية السياسية وقانون الأحزاب ومجلس شعب منتخب».

ولما اجا عنا ع الكويت قال انو شعب فلسطين ما بيقبل على اي بلد عربي مسلم أو اي شعب انو ينهان وانو ينظلم ويتعذب بحرب ~


بس سبحان الله كيف بالوقت الي كل الحكام معززين مكرمين ومبسوطين ومتهنيين وكل شي بإيدهم .. كان القائد هنية بيجاهد وبيتعب هو وحكومته ليأمن عيشة هنية ويساعد شعبو ويعمل المستحيل ليكمل المسير ..

بعدها الشعوب قلبت ضد حكامها .. بالوقت الي هنية زادت شعبيته و ربنا زاد عزه ..

وكل الشعوب قامت باستقباله بحفاوة وكانت اساسا قالبة ضد رئيسها ~

وأكتر ما دايقني بزيارته لإيران انو ترك الكويت وسافر :(


::

بالنسبة لزيارته ع الكويت .. صراحة عمري ما شفت رئيس دولة بيجي ع الكويت بيتم تكريمه لهلدرجة ,,

يعني صحيح أمير الكويت والوزراء بتسقبل الحكام استقبال رسمي وبتعزهم وبتكرمهم على أخر طراز .. بس بقصد بحياتهم ما عملوا مهرجانات وحفلات ولقاءات مع جاليتهم ~

لكن لهنية تم هالشي .. لقاءات وديوانيات وتكريم وحفل انشادي ومهرجان وصلاة جمعة ~

وحضور الكويتية كان متل حضور الفلسطينية وأكتر وكانو لابسين شارات حماس ومتفاعلين أكتر ..

مصريين وسورييين وتونسيين وكويتيين و هنود وباكستانيين وغيرهم كاانو متواجدين بكثررررررررررة يوم الاحتفال الجماهيري الأعداد كانت هائلة .. لدرجة انو بخارج المسرح كان في شاشات عرض وناس اكتر من الي جوا


سبحان الله يعز من يشاء ويذل من يشاء ~

هذا الموضوع للنقاش حول هذا الرجل كرمز ... ؟؟

كرمز للأمة بعزه وبقدره هو وكل رجال حماس ~

رموز شامخة نفتخر بها وبوجودها وبكوننا تابعين لها ~

والنصر على ايدهم بإذن الواحد أحد ~

ياريت لو في بكل الدول العربية ناس بمثل قادات حماس ~

ولكن الحمدلله عم بيطلع ببعض الدول هلأ رجال بتمشي على نهجهم وان شاء الله بينتصر الإسلام والامة العربية الاسلامية ~