[.. ليآل ~]

المشاركة الأصلية كتبت بواسطة حسام المصرى

يا أعصابك الهادية ..

عموما لأنك شخصية كويسة ما رح أحكى كتير فى ها الموضوع ..

الله يسعدك ويرضى عليك

رأيك سليم بس أنا مو متناقض .. ( قبل هيك حكيت أن الإنسان اللى ما بيغير رأيه يبقى إنسان مو بيفهم ) ..

^^

ورح أسألك ؟؟

شايفة أن النت مقياس حقيقى أنه يكشف شخصية البنى آدم ؟؟ عن نفسى بظن مهما كان الشخص اللى على الواقع هو الشخص اللى على النت .. لكن التعامل الواقعى اشئ تانى خالص ؟؟

أكيد لأ .. لكن بيعطيك ملامح عامة وببينلك أبعاد الشخصية وإهتماماتها وممكن لحد ما تصير تتنبأ بردات الفعل

والدليل انو نحنا ما بنعامل بعض بنفس الإسلوب والطريقة

وهالشي بيدل انو كل حدا عندو شخصية معينة ... والآخرين شايفينها بشكل معين .. وبيتعاملو معها على اساس معين

لكن بيضل حكم النت هو حكم افتراضي ونسبي - مع انو في ناس في النت بتشبه انفسها أكتر

لكن التعامل عن طريق الواقع والعشرة هو خير دليل

الواقع الإفتراضي بيعطينا فرصة ذهبية إما انو نعرف انفسنا أكثر او نكون مثالين زيادة عن اللزوم ونتغرب ذواتنا




عمل المرأة .. ايش شروطه .. خصوصا الاختلاط بشوفه مشكلة صعبة جدا ؟؟

تلزم حدودها - تحترم حالها - وماتعطي مجالل لأحد انو يزايد عليها أو يغامر فيها ويكون كل يوم بالنسبة الها هو تحد جديد حتى تثبت جدارتها وجديتها

الإختلاط صعب .. وممل .. وقيودة كتير

لكن ازا كانت البنت زكيه وفاهمه وواعية ومتربية حتتخطى هالشي وتتعامل معه بمرونة وحكمة


عالم الانترنت ايش رأيك فيه بصفة عامة .. وشايفة أثر بالسلب ولا الإيجاب على الشباب العربى ؟؟

ضرورة حتمية لاغنى عنها :)

طبعاً أكيد الأثار واضحة ... والسلبيات مشعة متل الفلزات

الإيجابيات موجوده لكنها مقننة ومقتصرة على فئة معينة .. وبتبدأ تتجلى للشخص ايجابيات الإنترنت بعد فترة من استخدامو

في موضوع قسم النقاش اسهبت فيه بالحديث عن هالموضوع .. بس ناسية العنوان


كتير بنسمع .. ( انتم جيل فاشل أنتم جيل مرتاح .. ومتدلع ) .. أى دكتور بيحكهالنا فى الجامعة وحتى والدى بيحكيها ..
بحكيله .. ( احنا اللى عملنا الثورة .. ) ؟؟ أنتى ايه رأيك .. هل احنا جيل دلع ؟؟

هالشي نتيجة أكيده لصراع الأجيال المستمر للأبد ومن الأزل :)

انا مابشوف انو نحنا فاشلين .. بس نحنا احسن شوي من جيل اهلنا

نسبة الأميين قلت كتير بزمانا ... مع انو علمهم كان احسن واقوى لكن العلم عندهم كان للبعض .

عنا ثورة تكنولوجية ومعلوماتية عالية

متفتحين اكتر ... وكتير مجالات تطورت في زمانا .. متل الطب والتكنولوجيا والإعلام

بس هم كانوا اكثر طهارة مننا - وأكثر ثقافة ~ بس طموحهم كان بسيط


لفلسطين طريق واحد .. هو البندقية .. ما رأيك ؟؟

مافي أدنى شك ~

ما أخذ بالقوة لا يسترد إلا بالقوة

وطن راح بمؤامرة لا يمكن استرجاعه عن طريق حوار ونقاش وهدنة ومعاهدات

الجهاد هو الحل


شايفة ايش دور الدور العربية تجاه قضية فلسطين .. والمسجد الأقصى اللى اليهود مستمرين بأنفاقهم وممكن فى أى وقت لا قدر الله ينهار .. وشايفة ايش بإيديهم ممكن يفعلوه ؟؟

كل انسان مهما صغر شأنة ممكن يعمل شي حتى لو كان بسيط

لكن إيد لحالها ما بتصفق .. وهالشي بدو حراك دولي إسلامي ودعم كبير مفتقدين لوجوده

المشكله انو قضيه فلسطين صارت قضيه مألوفة وروتينية

وكأنها ازا انحلت حتختل موازين الكون

بمعنى ان الكل تعود على وجود مشكلة .. وتعايشنا مع الموقف واستهترنا فيه

وكتار بيشوفوا انها قضية شعب مش قضيه اسلام



العالم متوتر وكله صراع حاليا .. أمريكا روسيا إيران سوريا الصين مصر فلسطين إسرائيل ..تركيا .. شايفة ممكن تقوم حرب عالمية تالتة ؟؟

اه .. المشهد السياسي غير مطمئن بالمره

وفي قوى ومصالح عم تتكتل إتجاه قوى ومصالح مضادة

الله يستر على العباد


كيف بتقضى وقت فراغك .. ؟؟

ممممم والله من زمان بطل عندي وقت فراغ وإزا انوجد أما بقرأ أو بلعب مع حمود ابن خالي


بتمسعى أغانى أو لا ؟؟

yes^^



شكرا أخت ليال .. بتمنى ما تزعلى منى لأنى حكيت رأيك بما عجبنى .. أنا كنت رح أرجع أمسحه والله بس لقيتك رديتى .. ورد راقى ..

مافي داعي للأسف

بتمنى ما يكون في شي بئلبك مني

وماتزعل .. مجرد رأي ممكن يصيب وممكن يخطئ

نورت حسام .... موفق