السيد حسام
للأمانة أنا بتجنب رد عليك أو حتى علق على مشاركاتك حتى ما نعلق مع بعض
أنا لساني سليط وما بعرف اسكت وأنت فيك تتقمص اي موقف وتمشي معاه
مشاركتك هون
لو بدي علق عليها فيني وما رح يعجزني رد
بس بحب احكيلك شي
أنا بالنسبة إلي بشوف وين إنت وبعرف إنو الصح في الإتجاه المعاكس تماما
خليني أقلك ليش
مبارح كان مبارك بالحكم إنتَ بشخصك بشحمك ولحمك وقلمك كنت من أشد المؤيدين لسيادته وكنت محامي الدفاع الغير موكل عنه
المشاركات موجودة بالمنتدى والأرشيف موجود إذا بتحب بنطلعها
أذكرك شو كان موقفك من مبارك إنو بكفي شارك في حرب 73
إنو بخطط لليهود وبستغفلهم لحتى يتطمنوا ويهجم عليهم
موقفك كان من بناء الجدار على غزة أمن البلد ولازم نحميها من المهربين
موقفك كان من منع القوافل لغزة سيادة البلد
وكثير يا حسام
بكفي هاي المواقف
هلا إنت مع العسكر
مع تقديري للحالة الأمنية في مصر وحاجة الناس الها إلا إني هلا أنا عنجد ضد الحكم العسكري وضد المشير وضد الجنزوري لأنو موقفك بخليني أعرف انو الصح في الإتجاه المقابل
لا تزعل مني
أنا واحد ما بعرف اسكت
بتمنى يكونلك اتجاه معين وفكر معين وموقف معين لحتى الواحد يعرف وين بتوقف بالضبط
يا حسام اعرف شو بدك ولا تخلي العاطفة تجرفك خلينا نعرف نتعامل معك
شكرا الك على المشاركة
مرة ثانية بتمنى ما تزعل يلي بقلبي على راس لساني حتى لو اتهمتني بالعوج
ما بعرف لف ودور ونافق
الله يحمي مصر وأهل مصر