[برآءة عبد]

المشاركة الأصلية كتبت بواسطة Pink Rose

الإسم المستعار : Bara'ah .A.L .LI

الإسم الحقيقي : Bara'ah .A.R .Lifdawe (عند تسجيل العضوية قد كتبت إسمي نسوة في الخطأ ههه )

جنس العضو : أنثى

العمر / تاريخ الميلاد : 4\7\1992 العمري 19 و 6 أشهر و 7 أيام

المنطقة / الدولة : طولكرم _ الضفة الغربية _ فلسطين

الحالة الإجتماعية : عزبآء

التخصص لو كنت تدرس :دبلوم أتمتة وإدارة مكآتب

الوظيفة : طآلبة جآمعية

الهوايات : الكتآبة _الغنآء _ الكرآتيه _ الأكل خخخ

لونك المفضل : الأسود والأبيض والكحلي وجميع الألوان ههه

أكلتك المفضلة : المسخن _ البآزيلآء _ الكبسة _ كل الأكل كمان هههه (إزا حبيتوا تعزموني شي يوم على الغدا لازم تعرفوا اني بكره اي اشي اسمه لحمة كره العمى رجاءا حاولوا تجنبوا اللحمة واي شي بينعمل معها مستحيل حطه بتمي ااااه والله )

كيف عرفت المنتدى : بالصدفة كنت بدور على موضوع بيخص فلسطين عشان بدي أنزله على بروفايلي بالفيس بوك .. فكتبت نبض فلسطين فطلع منتداكم وشفته ما تشجعت بالبداية بس بعدين شفته وتطلعت ع الجوانب الي فيه وعجبني .. وسجلت ووئت سجلت تشجعت اكتر فصرت كل شوي افوت حتى لو بعمل اشي المهم اطمن شو بيعملوا الأعضاء ههه ..

عضو يعجبك في المنتدى : almohandes أول عضو شفته ئدامي بعد محمود ههههه ومين هدول ما بعرف بس أنا الي لفت إنتباهي بالمهندس كلامه كتير شاطر بالتعبير .. وصرت أضحك ع حالي كل ما افوت بحس اني ولا اشي ما شاء الله الأعضاء كتير مثقفين وجد بحس اني ولا اشي .

إسم مستعار أعجبك بالمنتدى : لسآ مآ بعرف هون شي

أسعد لحظات حياتك : وئت تخرجت من المدرسة .. بالتوجيهي كآنت أحلى فرحة ومش رح أنساها .

أتعس لحظات حياتك : ووئت صارت معي مشاكل بالجامعة وانفصلت .. المشاكل نفسية وتأثيرها صعب بسبب الأهل والضغوطات وأشياء كتير .. بس أنا فصلي كان مو بارادتي والحمد لله هلأ رجعت وبأزن الله ع الفصل الأول بتخرج .. أو الفصل التاني (حسب مجهودي)

أغلى / أرخص هدية قدمت إليك : أغلى هدية ؟؟ مآ حدآ بحياتي هدآني أي شي .. كنت دايما أعطي ومآ كنت آخد لسوء حظي .. بس في هدية مرة وأنا بصف عاشر ماما جابتلي ياها كانت مفاجأة وبجد مش رح أنساها .. mp4 كان لسا مش طالع بالبلد وما حدا بعرفه .. فجابتلي ياه عشان تقنعني أطلع رحلة مع المدرسة لأنه أنا بنت شوي منطوية وما بحب الناس وبرده ما طلعت ههههه لأسباب حقيرة جدا جدا جدا ومش بارادتي .. بس حسبنا الله ونعم الوكيل .

أرخص هدية .. ؟؟ ههه كل الي كآنوا بحياتي أبل هلأ كانوا رخآص .. أختياري كآن جدا واطي .. والحمد لله ربنا هداني وشفت طريئي ..

كلمة شكر لمن توجهها : لكل الناس الي وئفوا معي بمحنتي عيلتي الي أنا عايشة معهم .. وكل الناس الي ئالولي أحنا هون لا تخافي ..

كلمة عتب لمن توجهها :اسرآء . .( يآ حيف بس )

شخص مقرب إليك : إبناس ..

كلمة حب لمن تهديها : حب ؟؟ بصراحة أنا حيآتي فاضية ما فيها حدا .. يعني يمكن أهديها لمرت أخي الكبير لأني بعشئها .

رصاصة على من تطلقها : مش ع حدا .. بخاف من الدم كتير ..

أمنية تسعى لتحقيقها : أني أكون كآتبة وأصير أنشر بالجريدة لسآ أنا صغيرة والعمر أدامي .. وئت أزيد ثقافتي وأزيد القرآءات أكيد رح صير .. صح والا لأ ؟؟

عمل ندمت عليه : _____ ( في الئلب )

موقف أحرجك : كتير في بحياتي مواقف .

مبدأ تؤمن به : ما في شي غير رضى ربنا هو الي بخلي الناس حزينة .. بكره اتعامل مع المتشائمين .

لعبتك المفضله : الكراتيه

لاعبك المفضل : أكيد المدربة تبعتي هههه

شكرآ كتير ..