عني - شو عاملة معي الحياة
يوم بلطشها كف وعشرة بتلقى كفوفها
المهم بقاوم
عم تلعبوا ملطشة يعني 
والله انا صارلي اسبوع الدنيا نازلة فيي لطش... (شكلها استحلت اللعبة)
هالاسبوع مش اسبوعي بالمرة...
صرت ما اصدق اوصل عالبيت علشان انام وانام وانام بلكي خفت عني هالدنيا شوي
يمكن هالاشي يعتبر هروب.. بس كمان بحاجة لنريح راسنا وفكرنا من اعباء وزحمات الحياة!!!!
لا أنا بستغني عن كفوفها ولا هي استغنت عن خدي ولو لحين
بالرغم من انه لا بد من اللطش الا انه احنا بحاجة لنكون ودييِّن مع الحياة...
لانه هالعلاقة العنيفة على قد ما بتعلمنا وبتقوينا.. بس مع مر الوقت بتتعبنا وبتنهكنا...
صدق القول "الضربة اللي ما بتكسرك بتقوبك"...
بس من جهة تانية ما فينا نعيش ونتلقى ضرب، لانه يمكن بتراكم الضربات يتحول مفعولها لعكسي...(بمعنى كسر محتم غير قابل للجبر) وغير
هيك الضربات انواع في منها اللي الا ما تترك ندبة والندبات انواع كمان فيها اللي مزمن ما ممكن يتشافى...ولو مر عليه حقبة كبيرة من
الزمن!!!
* * *
ومن هنا اوجه برقيتي للحياة...
ولك مشان الله حلي عني شوي...
تعبت كتير واعصابي ما بتتحمل هالجرعة كلها ومرة وحدة!!!
بس شو نعمل مكتوب نعيشك بحلوك ومرك :(
لكن يبقى التساؤل عن الكيفية والجودة: "كيف منعيشك..؟!"
ورغم اللطش الذي لا بد ان نتعرض له ونتلقاه الا ان اغلب الضربات هي نتاج اختلاتل في وزن الامور من قبلنا، سنكتشف ذلك فيما لو سنحنا لانفسنا فرصة التأمل العميق فيما مر علينا، وبهذا نقتصد جزء من متاعبنا ونوفرها