اليوم النشرة كوكتيل
على مراق السادة المتابعين,نشرة من الآخر
بتفتح النفس
وبتخلي الواحد منشكح ومهيص ويحكي مع حاله
ليش لأ لازم نزوقها بألوان فرايحية حتى يتقبلها الجميع
عموما خلينا بالمفيد
هاي النشرة يا سادة يا كرام
أبدأها بصراحة من الوطن العربي ككتلة لا تتفتت بفعل رياح التعرية والعوامل الجيوسياسية سريعة الهبوب
أفريقيا
الأحوال الجوية مش ولا بد
ساعة شمس ساعة أمطار
ويادوب الناس تلحق بالقطار
وتحمي حالها من نقمة العسكر ووحشية أمن الدولة وبلطجة الأحزاب
من قطر لقطر الحالة مرة بتخف حدتها ومرة بتزيد
المهم الكل بتمتع بالشمس الحارقة وبغسل ثيابه بأمطار العسكر المخلوطة ببيرسيل ذو حبيبات شديدة المفعول على العقول المهووسة بكرامة البني آدمين
أما القارة الأكثر إشراقا باللون الأحمر البهيج,قارة الأسى الذي يأبى المقيل
عناونينها الرئيسية
زخات رعدية متواصلة من الرصاص الخالي من الرحمة على الناس والحمير بلا تمييز
غيمة ضبابية لن تنقشع على المدى القصير بفعل قنابل الغاز المسيلة للدموع
طوابير من الدبابات لنجدة الناس المحاصرين حركتها الحكومات عالسريع
الدبابات لم تعجزها سحب الدخان والضباب لعبور الساحات والميادين كرمال انتشال المواطنين من بؤس العيش بفعل الأحوال الجوية السائدة وأرسالهم إلى الدفء والنعيم في مقابر جماعية فوق بعضهم البعض حتى يتدفوا منيح وما يحسوا بالغربة في المكان الجديد
ويظلوا مرتاحين
لهون بننهي النشرة يا حلوين