[أحلى غزوية]

دخلت غلا وهي متمسكه فعمها البيت من الداخل كان ولاا احلـــــــــــى الاثاث الراقي شاغل كل البيت والديكور الحلو فكل مكان وريحة الدخون والعود والطيب تفووح من كل زاويه.. دخلت ومشوا ماسمعو الا صوت العم سعود المليان هيبه يهلي من بعيد وهو يمشي لهم: هلا هلا حياك ياسعد.. سلم سعد على اخوه وغلا باست راسه ودخلو سلمت على لطيفه وكان عمر قاعد بس هي ماعرفته،قعدوا سعود:هذا ولدي ياغلا عرفتيه ؟ غلا ابتسمت..سعد رد :اكيد شلون ماتعرفه..شحالك ياعمرر؟ عمر وهو متسبه من كل عقله فجمال غلا: بخير حمدالله.. (عمرر من دخلت غلا وهو يطالع فيها بياكلها بعيونه،شاف بنات بقطر لكن بربع من جمال غلا ولابيشوف كانت صج مبينه حلوه بهاليوم) تموا يسولفون وغلا تبتسم لكل من يكلمها دون ماترد وعمر ينسطل اكثرررررررررر.. سعد: خلاص عيل اخليكمم..غلا تقوي من مسكتها..وتطالعه بعيون كلها توسل غلا: وين عمي،خلك بعد شوي.. سعد: خلاص حبيبتي وراي دوام بكره نسيتي؟ غلا: الله يخليك عمي شوي تكفى سعود:خلاص ياغلا خليه باجر وراه دوام.. غلا استسلمت ونزلت عينها فالارض من الرهبه اللي تكنها بداخلها لعمها سعود وقالت بصوت مليان خوف:حاضر مسح على راسها سعد وراحو كلهم وياه لعند الباب قبل لايطلع حب راس غلا وطلع وغلا تنشف دموعها عشان لايشوفونها.. قعد معاهم العم سعود يمكن 10 دقايق من بعدها استأذن منعزم على عشا لطيفه:ها غلا حبيبتي تعشيتي ولا تبين نحط لج شي تاكلينه؟ غلا بخوف:لا كلت قعدوا فصمت وعمر لين الحين ماشال عينه عنها وكل شوي تطيح عينها بعينه بس هي تقول لا يمكن صدف صج هي انعجبت فوسامته كان صج وسيم ملامحه حاااااده كل شي فيه يلفت بطريقه واضحه انفتح باب الصاله بدخلة الولد الكبير للعم سعود وهو خالد طبعآ خالد هذا ولا حد من عايلتهم كلها وصل لدرجة وسامته،كانت عيونه كبااااااار وحواجبه مقرونه وممتده وخشمه سليل واسمر وطويل جتوفه عراض كانت ملامحه حلووووه ولو انه لفظ حلوه ماستعمل للرجال بس زينه مستعصي وماله تعبير المهم دخل خالد ومعاه ابوه وكانت غلا توها نازله لابسه جلابيه عنااابيه غامقه ولافه شيلتها وقاعده حذا لطيفه عمر كان صاعد لداره وغلا نازله قعد يطالعها لين مانزلت من على الدري وهي تقول فباله( شفييييييه؟ ) عمر فباله لا ومطنشه بعد..هين) دخلت غلا وانصدمت من خالد [ابييييه شنو ذي،في واحد حلو جي! واااي صج يهبل]..سوت روحها انها كلش يعني ماشافت شي وهي من داخلها تبي تقعد بس تتمنظر فيه.. ماانكر لكم ان خالد عجبته نعومة غلا وجاذبية ملامحها بس قال عادي توني شايفها باجر اتعود بس صج عجبته عيونها كانت حلووووووه ووناعسه ووسيعه تعجبه هالعيون هو بشكل جنوني سعود يصاصر خالد...خالد:هلا وغلا ببنت عمي،نورتي بيتناااا غلا تخسبقت (ويه من انا،يحلوووك): تسلم.. خالد:انا خالد عرفتيني ولا لاء؟ غلا ابتسمت بخجل ونزلت عينها فالارض خالد فباله يحليلهاااا والله تونس...:المهم يبا ليدي تلوفي انا رايح انام تامروني بشي؟! غلا ماتت على عبطه لطيفه:امك انا شنو ليدي تلوفي...(لطيفه كانت صغيره بالسن يعني اللي يشوفها هي وخالد ولدها يظنهم اخوان) خالد يطق جتفها:يلا عاد يماا لاتتدلعين.. سعود بعصبيه:خالـــــــــــد خالد تصرقع:سم يبا..! سعود:مانبي شي روح نام عشان لاتتأخر باجر خالد يلتفت لغلا ويشوفها بنظره تقطع القلب:شفتي غلا مايبوني،،إيييه لي الله اروح انام انا تصبحون على خير الكل:وانت من اهله قعدو شوي يسولفون وغلا تثاوبت وقالت بتروح تنام مشت غلا تشوف البيت بعد ماورتها لطيفه كل زاويه فيه واختارت غرفه يم مكتب عمها باخر الممر وغرفة خالد وعمر باول الممر المعاكس لها،،شافت ان محد فالممر والشيله كانت مظايقتها توها بتفصخها الا تشوف عمر متسند على طوفة الممر الفاصل بين غرفتها ومكتب ابوووه غلا طاح قلبها من مكانه..شفيه واقف جي؟..بسم الله توها بتروح تدش الغرفه يحط ايده بالعرض يمنعها غلا ماتت تبي تكفخه باقرب شي عندها...بسسسسسسسسسسسسسسسسسسسسس سس غلا:.............. عمر وهو مرفع حاجب:وين رايحه؟ غلا:هني.....داري عمر:وشيأكد لج انها دارج؟ غلا:قالت لي خالتي عمر مستانس يحب ساعات يكون نذل:يييه هاي داري الله يهدااج غلا لفت عنه وهي شوي وتصيييييح عمر انتبه شسوووى فالبنت توها ماكملت 24 ساعه فالبيت جي يسوي فيها،،قام يناديها:غلا...غلا غلا تسرع بمشيتها عنه شوي الا هو ناط جدامها يبي يوقفها بس مايبي يلمسها:غلا وقفي تكفيييييييين غلا وهي منزله عينها بالارض:نعمممم؟ عمر:اسف والله ماكان قصدي اسوي جي بس حبيت امزح والظاهر صج انا مزحي ثقيل غلا:لا عادي عمر:زين وين رايحه الحين؟ غلا:بشوف خالتي ابي دار انام فيها.. عمر:دااري افا عليج (يغمز لها) هاهاهاها اقصد دارج قبل التحرررررريف غلا ضحكت شوي:ههــهه عمر:اسف مره ثانيه واسمحي لي غلا:حصل خييييير وراحت غلا دارها تسبحت ونامت راحت فسااااابع نومه من زود التعب وخالد صلى له ركعتين وقعد شوي على النت بس بعدها تملل ونام اما عمرررررر هيهاات وهيهاات ينام غلا من قلب شغلت تفكيره وهو يقول يمكن لاني صغير واحسها مثل اختي وافكار تجي وتروووووح وهو يبي يشيلها عن باله بس هي تطري عليه غصب الصبح الكل قام وتجمع على طاولة الاكل عدا غلاا استحت وقالت انها تعبانه وماشبعت نوم العم سعود تنرفز وعمر ماكان يبي هالحركه تصييير استانس عليها وايد خالد تريق ع السريع وراح شغله والعم سعود بعد راح شغله الضحى عمر راح داره هو كان رسااام عجيييب قعد يشخط بالطول والعرض زهقاااااااان غلا هالحزه قامت لبست وتكشخت ونزلت قعدت تسولف وياخالتها وتريقت ورجعت لها كانت قاعده وياها بالدار ومطيحه الشيله وكانت اول مره خالتها تشوف شعرها كان غلييييييييييييييييييظ بشكل مو طبيعي وناعم عجبها وايد غلا:خالتي لطيفه:هلا غلا:من اكبر انا ولا عمر لطيفه:عمر..أكبر منج بسبع شهور بالظبط غلا:اااااااااااها ابتسمت لها غلا وطلعت عنهاا ------------------------- مر على غلا اسبوع و3 ايام فبيت العم سعود وعمها سعد كان يوميآ يجيها يقعد ساعه كامله ويطلع وكانت كل مايطلع تتعلق فيه تترجاه مايطلع بس هو كان يهديها ويطلع كانو كلهم متجمعين بعد صلاة العصر فالصاله يشوفون الـ T.v ويسولفون سعود:متى تبون نروح الزرع؟ خالد:بااااااااااااجر يبه فجر الله سعود:خاااالد اثقل خالد:شفيك يبا ششايفني لطيفه:سعود شفيك على خالد خالد يتدلع بالعماله ويروح لامه وهي فاتحه اياديها له اونها بتلمه:شفتي يماااااااااا كله لاعنين خيري عمر:وااااااااااااااااك واك واك مسكييييييييييييييييين ملعون خيره خالد يحذفه بالفاين:انجب انت عمر:هين ياخلود سعود:وتاليتها يعنييييييي؟ عمر وخالد انجبو لطيفه:نروح عقب باجر احسن عشان نرجع قبل النتايج بيوم تطالع عمر عمر:اي والله النتايج P: خالد:ها غلويه كم متوقعه نسبتج؟ غلا:ماادري على الله خالد: كم جبتي فنص الكورس؟ غلا:جبت 93%.. خالد:ماشالله..لالا احسن من هاللي عندنا بالدززززززززززز ينجح غلا:ههههه يعني انا اللي كلش عمر:اي كلش تموا يضحكون وبعدها كل راح داره ثاني يوم بعد العشا غلا كانت مشغله اغنية (غاليه) لكاظم الساهر وترتب اغراضها بشنطه سبور سماويه وعليها ررسمة بنت بالفولك الوردي بكل تدرجااته... انطق الباب............ غلا:مــــــــــــــن؟ عمر بخجل:اا..اناا عمر.. غلا:لحظه..تلبس شيلتها..وتقصر على صوت المسجل افتحت الباب وعمر انبهرر اول مره يشوفها جي شكلها فررررريش عمر:كل هاي من كااظم غلا:شنو؟ عمر سلامتج..ها تتجهزين لباجر.!. غلا بصوت واطي:اي عمر بصوت دااافي:عاد غلا باجر لازم تشوفين بيت الخشب مالي..بيعجبج وايد غلا(الحين وقتها،،الحين اردها لك):وشاللي يخليك متأكد انه بيعجبني؟؟!! عمر(بــــــل):لـ..لا انا بس حسيت................ غلا:اشوفه واقولك عمر:اوكي(وهو طالع بكل حرقة ويه) غلا:عشان يحرم يعيدها خلصت من الترتيب وقعدت تطلع ملابسها وبدلت وقعدت تكلم عاليه من دارها ..... سكرت منها وراحت تدور عمها سعد مسكينه كل شي راح عن بالها على بالها لين الحين في بيت يدها.. توها بتفتح باب دار خالد وطرى عليها كل التغيرات بس قبضة يد خالد ولد عمها كانت اسرع من ذاكرتها ومسك مسكة الباب وفتح الباب وشافها وشافته خالد قرب من غلا: خيــــــــــــر غلا آمرري..! غلا:_____________________. خالد:شفيج؟ غلا وهي تمشي عنه:لالا ولاشي.. خالد سرع ووقف جدامها ويرفع حاااجب:معقووووووووووله!! واصله لداري وماتبين شي..قولي قولي عاادي غلا وشوي تصيح:ولاشي والله ظنيت اني لين الحين فبيت ابوي العود وجيت هني لعمي سعـد بـــس هااي.. خالد وهو يفكر ويبي يخرعها:امممممممممممممممممممممم م.. غلا ميته خرعه وعيونها امتلت دموع وراحت عنه خالد:سمعييييييييييييييي غلا انتفضت ومالتفتت له:هم! خالد:افا عليج يالغلا اصير لج عمج سعـد ولايهممممج..ماله داعي تتخرعين شنو وحش انا؟ غلا:لا.........وتمشي عنه تروح دراها.. وطاحت على السرير( ياااااااااااااااااااااااااااار بي شهالفشله واااااااااااي اتوووب مره ثانيه ماسرح بشي) وغفت عينها بدون لاتحس،،صحت غلا قرريب المغرب ونزلت لقت عمر ياااكل ومندمج حده فالماك جكن من ماكدونالز والكاتشاب والمايونيز على ثوبه غلا انصدمت كان شكله كيوووووت حتى هو انصدم طالعه قمر بالأحمررر لكن صج افتشل من روحه هي متكشخه وهو فقمة التبهدل قعدت غلا تسولف ويا خالتها وعمر كل شوي يخزها وتطيح عينه بعينها كانت جلابيتها لف يعني شوي من ساقها يبين وعمر طاحت عينه عليها هي انتبهت وبسرعه خستها عمر تسبه وقام راح وطول الوقت وهو يفكر شنو هااااااي ليش ماانتبه لها طول الفتره اللي طافت شهالآيه فالجمال اللي جابها عمي الله يرحمه بعد صلاة العشا كلهم تجمعوا يتعشون خالد:عمور مازحرت؟ عمر:بلا زاحر من مساع خالد:وشتبي بالعشاااااااااااا قوم زين لطيفه:ويي كفاك الله خل ولدي ياكل اللي يبي عمر انحرج مايبي امه تقول هالكلام كبر عليه وخصوصآ جدام غلا خالد:يمممممممه هف العشا وانا الفقير المسكين ماكلت شي سعود:انت فقير؟ والله ماظن خالد:خمسه وخميسسسسسسسسسه فعين الحسود سعود:هههه بسك من هالحجي واكل سكتوا وقعدوا ياكلون عمرر:يبااا سعود:همم؟ عمر:يبا باجر كم سياره بتمشي؟ سعود: 2 يبا ليش؟ عمر:اسأل يبا ومن اللي بيسوق؟ سعود:الاولى انا وامك وغلا وانت والثانيه خالد والاغراض خالد انفقص ويهه من هالخبر:هاااااه! عمر:وااااااااااااااااااااااااا اك واك واك لو سمحت عاد انا اغراضي وايد حاسب عليها ها سكر عليها الحزام خالد يصر على اسنانه:ابوي ابوي شقول؟ سعود بعصبيه:عمـــــــــــــــــــر عمر انجب من حاله بعدها قعدوا شوي وكل راح ناام