[إسراء الفلسطينية]

1) شو رايك بمنتديآت شبآب فلسطين و بشو إختلفت عن بآقي المنتديآت
أو شو يلي بميزهآ برأيك // وليش ؟

منتديـــآت " شبــآب فلسطيــن "

أحلـــى منتدى ومن دون مبـآلغة !

مش مشـآركة بغيرو ، وما بلاقي حالي الا فيه ..

يلي بميّزو نـآسو الطيبيـن ، والروح الاخوية يلي موجودة فيه ..

والاهم انو منتدى " إسلآمي " قبل اي شي تاني :)

2) كيف وصلت ع هآلمنتدي ومين دلك ومين بتعرفه معرفة شخصية
أو بتحكي معهم ع الإيميل ؟

كيف وصلت مش متذكرة منيح ، بس بعتقد انو كان عن طريق جوجل ..

حتى لما سجلت ما كنت بعرف شو عم بعمل ؟!

ولا شو يعني منتــدى ههههههههههه

..

غـآدة ، بعرفهـآ معرفة شخصيـة ، ساكنه حدي :)

و في دموع الرحيل كمـآن ، تقابلت انا ويايها اكتر من مرة لما نزلت ع لبنان ..

وبس :)

ويلي بحكي معهم ع الايميل .. اغلب البنـآت منهم : نانا ، غادة ، مهـآ ، عاشقة فلسطين ، وحيدة القمر ، مرام ، صوفي ، انجيلا و وووو ..

) إحكيلي بمآ لآ يقل عن 3 اسطر عن 6 أعضآء بتحسهم إنهم قريبين
من افكآرك أو بتعجبك أفكآرهم و موآضيعهم // لك حرية إختيآر الأعضآء

ما بحب اختاار اعضاء ، :/

ما شاء الله في اعضاء كتير مميزيـن بمواضيعهم ومشاركاتهم ..

وكشخصيـــآت رآئعة بكل معنى الكلمة

متل محمود ،شهيـد ، ابو مجاهد ، نانا ، مها ، مرام ، كلارا ، عاشق البندقية ، وطن ، ايوش ، صوفي ، عاشقة غزة ، عاشقة فلسطين ، بينك روووز ، أمل ، محمد ، بسملة ، اسلام ، غادة ، عاشق الحور ، ووووووو كتييير ..

ما دخلني صاروا اكتر من 6

4) برأيك لو صآر و سكر هآلمنتدي بتحآولي تفتشي علي كل الأعضآء ؟

بعمري ما فكرت بهل شي !؟

وين بدي أدور عليهم ؟

يلي طبّّل طبَّل ، ويلي زمَّر زمَّر

وان شاء الله ما بسكر

5) برأيك هآلمنتدي بنقدر نطلق عليه لقب الملتزم المنفتح وليش ؟

المنتدى ملتزم نعم .. ومنفتح لكن بحدودو ..

يعني في مكان للمزح والترفيه ، والجدية بنفس الوقت

6) إسرآء ~ مين من أعضاء المنتدى مآ كنت تحبه و تغيرت وجهة بصرك
من نحيته أكيد أنآ منهم ؟

ههههههههههه

لااا

،،

والله بعمري ما كرهت عضو بكل معنى الكلمة !

ممكن اكره " اعمالو " / " طريقة تصرفو / حكيو "

بس اما اني اكره شخص كشخص فلااا :)

7) كم عمرك + طولك + وزنك + نمرة رجلك " بدي أبعت أمي"

ههههههههههههه يقطع شرررك

عمري 20 الا كم يوم .. بـ 26/12 بصير 20 !

طولي 158 ، وزني 50

شو بدك بنمرة رجلي كمان ؟! هههههههههههه

نمرة رجلي 37

8) شو تخصصك بآلجآمعة و بأي سنة درآسية إنتِ؟

سنـة اولى ، ما تسألني ليش حيصير عمري عشرين وبعدني سنة اولى ..

بس هوي نظام التدريس هيك هون

بدرس // Human life science engineering

مش عارفة كيف بدي اشرحها ؟!

بس هيي نوع من الهندسة ، وظيفتنا انو نطوّر الادوية والعلاجات المختلفة للمرضى ..

9) كيف مقضيآ وقتك طول اليوم ؟

بالايام العادية .. أغلبها بالجامعة ..

يوم السبت : مدرسة إسلامية عربية // باخد دروس دين وقرآن ، وانا بدرِّس قرآن لصفوف صغار :)

الاحد : اليوم الوحيد يلي ما عندي شي فيه


::

همسة // هون ألك المسآحة لتحكي اي شيء بخطر في بآلك أو
حتي رسآلة حآبه توجهيهآ لحد ،، رأيك بآلموضوع أو حتي صآحبه
حد خآنقك و بدك تسبِ عليه //

هههههههههه

ايه اسمع منيح لكان

..

عنجد الموضوع كان كتير ممتع ،، مع انو انتحس شوي ، وانصاب بالعين وحااالة

بس مشي الحــآل بالآخر .. الحمد لله :)

وطــن // دمت بتميـــز .. ما شاء الله عنك ، مواضيعك وافكارك دايما روعـــة

عنجد شكرا كتير على هل استضــآفة الحلوة ..

تعيش وتستضيـــف