[حسام المصرى]

بصى أنا هكلمك بصراحة فى الموضوع ده وبدون أى كذب والله ..


المصرى فى أى مكان بيروحه الناس اللى بيكرهوه أكتر من اللى بيحبوه ..


لكن هناك بعض استثناءات لدول شقيقة نسبه العقلاء اللى فيها بتبقى أعلى من الناس المتعصبة .. معظمهم من أهل الشام من وجهة نظرى واللى بشوفه وخبرتى وخبرة أهلى ..


يعنى لو نزلتى فلسطين أو لبنان أو سوريا رح تلاقى الناس العقلاء كتير ولله الحمد ..

كمان الإمارات من الدول اللى أهلها معظمهم عاقلين ما شاء الله

اكتر دول المصريين مكروهين فيها دول الخليج .. من خلال كلام أهلى وقرايبى اللى فى خارج مصر


برغم أن الدول دى المفروض متنساش فضل مصر عليها .. أبدا ولولا مصر لحد دلوقتى كانت بعض الدول رح تنتشر بها الجهل والمجاعات والاوبئة ..

مصر فى عز ظروفها الصعبة كانت بتبعت مساعدات لإخوانها العرب .. بعتت مدرسين بالهبل للدول العربية ..

مهندسين وأطباء .. لدرجة لو فى أى دولة عربية رحتى .. المريض اللى من جنسية الدولة بيسأل عن الطبيب إذا كان مصرى أو لا .. مشان يروحله ..

وده لأنهم ناس عندهم كفاءة وإخلاص فى كل شئ .. ودايما مشرفنا فى كل مكان الحمد لله

كسوة الكعبة كان عبد الناصر بيبعتها للسعودية .. !!

والكره من بعض الناس ده بيبقى نقص وحقد وغيره فظيعة لأنهم بيشوفوا المصرى فى أى مكان هو الأفضل عربيا ..

أنا زمايلى بيحكولى بيقولولى .. احنا اتعلمنا بره بلادنا بس اتذلينا .. كانوا العيال يتجمعوا على واحد لأنه مصرى ويقولوا يللا بينا نضرب المصرى .. ^^

قرايبى فى السعودية ولا الكويت بيقولوا احنا بنتبهدل آخر بهدلة بدون سبب وفى المطارات بيتعاملوا أسوأ معاملة ..

شوفى السعوديين عملوا ايه فى المعتمرين المصريين فى رمضان .. ذلوهم أحلى ذل .. كل ده ليه بقى ..

بيقولهم خلوا الثورة تنفعكم .. يا شعب معندوش غالى .. ذليتم رئيسكم وتستاهلوا الذل .. كلام يغيظ

ووالله العظيم هذا حدث بالحرف الواحد .. حتى السفارة المصرية طلبت فى التحقيق فى الأمر ده ..


ودول كتير بقى متعديش

بس أهل فلسطين دول معظمهم الحمد لله عقلاء ..

وأقسم بالله العظيم أنا كنت ببكى لما أشوف فرحة أهل غزة بالتنحى بتاع مبارك .. ولا وهما بيوزعوا هدايا ..

ولا فرحة أهل غزة بالأخص بمنتخب مصر لما فاز بكأس الأمم الأفريقية برغم .. يعنى أن المثال ترفيهى شوية

ولا الرابطات اللى فى أهل غزة .. رابطة محبى مصر الى عاملة أنشودة أهداء لمصر

ولا رابطات محبى تريكة ومحبى النادى الأهلى المصرى ..

والفلسطنيين عموما فيه رايطة بيننا وبينهم وفى العريش وسينا العائلات تلاقيها مصرية فلسطينية .. دمنا واحد .. وشعبنا واحد ...

وعن نفسى أتمنى زييارة غزة والقدس ... بسبب طيابة الناس وقرب شخصيتهم من الشخصية المصرية اللى بتحب الضحك والهزار ..

والمصريون أعلنوها بعد الثورة ..

لن نذل بعد اليوم ... واللى مش عجبه يخبط راسه فى الحيط ..


مصر .. يا أحلى البلاد


وإذا كان الرسول عليه الصلوات والتسليم أوصى بأهل مصر ..

فيجب على أى فرد مسلم أن يكون تعامله خاص جدا خصوصا مع اهل مصر لأن هذه وصية الرسول

وصدقينى متبصيش أبدا لكره شخص ليكى ولا ده يأثر فيكى خالص .. لأنك عارفة أنتى مين .. أنتى مسلمة مصرية .. من بلد الحضارة والثورات .. من مقبرة الغزاة ..

والشجرة المثمرة لا بد أن يقذفها الناس بالحجارة .. ولتسقط كل الألسنة التى تسئ لمصر .. كشعب

بالنسبة للمسلسلات وبعض المسخرة اللى فى مصر .. شئ طبيعى جدا احنا 80 مليون واحد .. فيه منهم الفاسد وفيه منهم الصالح .. بس الحمد لله النسبة الحلوة عندنا الإضل وشعبنا أطيب شعب ..


والناس اللى بتشوف البلد وحشة ..

فمقدرش أقول غير حاجة واحدة


الحلو بيقع فى المكان الحلو أو بتيجى عنيه على المكان الحلو .. والقذر بتيجى عنيه على المكان القذر
والناس المحترمة والعاقلة ما زالت موجودة الحمد لله .. ..

نقطة وسطر جديد