[Maram .. ~]

اليوم كان بجنن

كتير كتير انبسطنـآ بالرحلة :D

رحنا ع القصبا بالشآرئة :D

اول شي الصبح صحيت متأخر كالعادة و ما كنت كاوية لا شيلة ولا عباية :/

رحت عالسرييع كويت عبايتي حتى نسيت اكوي الكم ههههههههههه و لبست شيلة سودة لاول مرة بالتاريخ بس كسرت الاسود بـ أحمر

و رحت عالسكول طبعا المسات ما تركوني تعليئات ع نتفة الاحمر الي لابساها

و بالصدفة صحبيتي كانت برضو لابسة احمر فكرونا مطئمين

الموهيم ، طبعا اخدت معي الكام و الفون مع انو ممنوع >> مخآآآلفآآآت

كان صفنا 8 بنات بسسس ، و جايين معنا بنات صف 11 كتار شوية ،،

المهم بالباص و نحن رايحين اعدنا آآآخر شي احتلينا الكرسي الطويل

و اعدنا نغني و نطبل المشكلة نص البنات بحكو انجليزي بس فما فينا نغني عربي

و الاغاني الانجليزية مملة ،، ما لئينا شي مشترك نغنيه غير اغاني الاطفال

بس وصلنا صار هالاشي نككككد علي كتير

كنا اعدين سوا فـ انا اجيت اطلع الكام لحتى اصور ،، كانت معنا مس الكمستري و ما علّقت ع انو جايبة كام > طيوبة فديتها $:

بعدين اجت ابلة العربي صارت تتفلسف و تحكي ليش جايباها و مش ممنوع وما بعرف شو

بعدين ال صارت بدها تاخدها مني انا هان تنننننننننحت عالآخر

ولا رضيت اعطيها ياها بالمرة و هي تحكي يلا هاتي و انا احكيلها بابا حكالي ما اعطيها لحد هههههههههههه

ال يعني بسمع حكي بابا كتير انا

بعدين الزنخة راحت اتصلت بالمدرسة و حكتلهم اني جايبة كام

بدها تعملي مشكلة

بس عملت طااااااف ولا كانه صار شي ، مكنتش بدي انكد ع حالي عشان خاطرها

و كملللنا الصياعة :D

طبعا كانت الشمس بتحرررررررررئ ، انسلئئئئنااااا ..

ركبنا عين الامارات المنظر من فوئ بجنن عالآآخر

طبعا ما صورت شي عشان هديك المس

و بعديين رحنا لعبنا الالعاب الكهربائية

كل لعبة نلعبها نئعد نصرخ فيها آل يعني بتخوّف بس طبعا كلو شغل هبل

و لعبت هاللعبة مع صحبيتي وهي شويييييية بتخوف ، بس هديك جبااانة عالآخر شوي و كانت حتموت

و اآخر شي رحنا اكلنا من مطعم و طلبنا سندويشآت ، بس عجّبنآ ع العمو تبع المطعم ،

كل شوي نتشرط شي شكل ، و اخر شي حكينالو بدنا الهدايا الي بتحطوها مع وجبة الأطفال

راح جابلنا حلاوة لزييزة حبيناااه

و بسس ، رووحنا بعدين عالمدرسة مكسسسرين و مسطلييين من الشممس :/

بس وصلنا المدرسة كنا خايفين انهم يفتشوونا عشان التلفونات ،

رحنا مسكنا كل التلفونات و حطيناهم بكيس و خبيناهم بالزباالة تبعت الصف هههههههههههه

بس الحمدلله ما فتشو :D

رجعت نممممت عطوول و من شوي صحيت

بس لسة حاسة حالي ميتة نعس

و كان المفروض اروح ع المركز بس طنشت و المس رح تبهدلني بهدلة مرتبة بس تشوفني الحلقة الجاي :S