[دموع الغربة واشواق العودة]

آه بس ..
موضوع العبايات والحِجاب والنِّقاب ..بقهرْ ..
أنا كل مابروح المول ..بنقهر وبفور ..وبرتِفع ضغط دمي ..وانا مقهورة مِن الهبالة الي بيعملوها الشَّباب والبنات ..
مناظر فظيعة بمعنى الكلمة ..
ولا وأزيدكْ من الشعِرْ بيت ..في عبايات جديدة طِلعت نص كُم .. فاهِم علي ..نص كُم ..يعني نص إيدها مكشوفة للعالم
وغير هيك في عبايات طلعت مش لون أسود ..في بني وكحلي وزهري وفوشي ..هيك عباية كاملة بـ هالألوان ..
غير التَّطريز والنقوش الي عليها ..واللهِ ولا فستان سهرَة ..
غير هادا كلو المُنقَّبات إلي بيكونوا كأنوا الواحد معطيها بوكس ع عيونها ..من كتر الألوان الي ع عيونها وعدسات ملونة ..ومناكِير بـ لون صآعِق ..عشان إلي يشوف ينعِمي ..وهاد إزا ماكانت فاتحة العباية وكل إللي تحت العباية مبين ..غير لمَّا يكون كل شب ساحِبلي في إيدو بنت وقاعدة تتمسَّح فيه .. واللهِ مناظِر بتقرَّف ..
بجد نفسي أسأل الوحدة منهم ..يعني شو قصدك من كل هالهبل الي بتعمليه ..بدكْ تلقطي شب يعني ..بدِّك تسمعي كم كِلمة بتقرِّف من الشَّباب ..كأنهم همَّا إلي حيثبتولنا جمالنا ..قرف ياخي !!
الحجاب والنِّقاب صار لِعبة أو بمعنى أصح صار عادة مالو علاقة بالدِّين أبدَاً نسيو الهَدف الأساسي من الحجاب وتغطية الشَّعر والوجه ..نسيو إنو الحجاب بيحميهم من كلمات الشَّباب المقرفين ..إلي هما بيسعوا إنهم يسمعوها ..

وعلى فِكرة حوادِث الخطف هاي ..عنَّا من زماآآن ..من العصر الحجري .. كل يومين بتسمعلكْ قصَّة من حدآ ..

وايش يعنى اللى يخلى بنت شابه تلبس أسود وما تحط ميكياج .. دى كده بتقتل شبابها وجمالها .. دى طبعا حجات مبيقولها بعض البنات ..

هآي الجُملة سمعتها مليوون مرَّة ..مابعرف شو قصدهم مِنها ..بما إنِّي أنا الوحِيدة الي بغطي وجهي ..فـ بضيع ع حالي كتير .. بيفكروني بعمل هالإشي وأنا مجبورة كرمال ما أدخل النَّار ..وما اعصي ربي .. صح إنو هدول أحد الأسباب .. بس لآ أبدَاً أنا بعمل هالإشي بـ رضا تَّام لإنِّي في النِّهاية بعرف إنو هادا الأسلم إلي ويحميني ..وبعدين إقتداءاً بـ أُمهات المؤمنين ..رضي الله عنهم ..
وأساساً بحِس حالي شياكة أكتر هيكْ ..يعني مُش مشرْتحة ..بالعَكسْ بيكون الشَّكِل أنعم و أحلى وأستر ..

ياسلام ماشالله ..أنا هِيك بـ حافِظ ع شبابي وجمالي من عيون الشَّباب الي مابيرحَموا ..
واللهِ إنِّي بطلع من البيت كلي أسود ×أسود ..يمكن بس الشَّنتة إلي ملونة ..الشَّباب مابيرحموا .. مابفهم ليش ..
يعني مش مبين مني غير عيوني وإيدي بس .. بتلاقيهم بيعاكسوا وبيرموا كلام من هنا وهناكْ ..ولا أحياناً بيلحقوا فينا
من مكان لـ مكان ..شو بدهم أفهم ..روح للي مش محترمة حقَّك تعاكِسها ..شو بدكْ منِّي ..
يعني أنا إلي من أولي لـ آخري مغطَّية بيجروا وراي ..كيف إلي كاشفة وجهها وحاطة عليه ألوان الدنيا ولابسة عباية مش عارفة كيف ..إستغفرَ الله !!
مابعرف بصراحة شو القِصة ..شو سبب إنحلال المُجتمعاتْ ..وتقبلهم لـ هالأشياء ببساطة ..وعدم تحريكْ ساكِن في سبيل محي هالظاهِرة ..بجد أحياناً برجع مِن المول وأنا بدي أبكي ..ليش هيك صرنا ..لمَّا ينزل غضب ألله علينا ..
بجد إشي بيرفع الضَّغط والمُشكِلة ..مش هون ..هادا أساساً إنعِكاس لقلة المُتمسِّكين بـ الدِّين في المُجتمع ..
يعني أساساً هآي إحدى نتائِج مشكلة تانية .. فـ مِن الأوْلَى مُعالجة الثَّانية لـ تسلم الأولى ..
يعني ما بفهم شو وظِيفة هيئة الأمِر بالمعرَوف والنِّهي عن المُنكر ..

بجد القابِض ع دينو كـ القابِض ع الجَّمرة ..
بس مُش بس البنات إلي بيغوا الشَّباب ..واللهِ الشَّباب ما بيرحموا أبدَاً ..كلهُم .. وأنا خايفة ع إخواني بس يكبروا يسيرو زيهم ..لآ سمحَ الله ..
شو بدي أحكي غير ألله يهدي الجَميع ..لـ صراطِه المُستقيم وفِطرتِه السَّليمة ..
موضوع مُمَيَّز جِدَّاً ..
شُكرَاً كتيير ^^