[حسام المصرى]

أخت دموع ما قصدت باتسغلال الغمكانيان المتاحة انك ترضى بالظلم ..

أنا قصدت انه فيه ناس وصلت فى اكتر الظروف صعوبة ..

انا والدى مثلا .. أبوه كان فلاح ووالدى كان بيرجع من المدرسة اللى بياخدها مشى يمكن 4 كيلو .. فى قرية من قرى الصعيد .. ويورح الغيط يمسك الفاس ويزرع الأرض .. بعدين بليل كان يذاكر على لمبة الجاز ...

وجاب مجموع حلو ودخل كلية الحقوق جامعة إسكندرية واتغرب عن أهله وكان بياخد من والده 30 جنيه بس فى الشهر وكانوا ميكفوش شئ .. فكان بيشتغل وطلع من الأوائل فى الكلية .. بس متعينش فى النيابة لأن الفساد بيمنع الناس اللى أبهاتهم فقيرة أنها تتعين فى مناصب زى دى ..

بس الحمد لله وصل ونجح من مفيش ... ^^

اللى قصدته أنك ما شاء الله عندك إمكانيات كتير كبيرة وفيكى تشترى كتب وتاخدوا دروس والمعلومة صارت توصلك على الجاهز .. مش زى زمان ..

ولو كانت مدرسة معينة وحشة مثلا .. وخلاص ما فيكوا تغيروها .. شو العمل .. ؟؟!!

اللى بيفضل ينتقد فحسب مبيوصلش لحاجة .. خدى منها الحلو وسيبى الوحش ..
كلمى الطلبة واعملوا شكوى او خلى والدك يتقدم بشكوى .. بس أظن أنك يعنى لانك لستى من البلد ولستى من الطبقات الغنية جدا أو التى تمتلك الوساطة ... لن يحدث شيئا ..

فأقلمى نفسك على الوضع ..
قشطة ....

وهانت يا ستى .. فضلك سنة عشيها بالطول والعرض وهاتى المطلوب منك وهو المجموع الكويس وادخلى كلية كويسة بس أظن أنك ممنوع تدخلى كليات حكومية فى السعودية لانك مش سعودية .. وفى الجامعة عالم تانى وناس على مستوى كويس ... إن شاء الله


بالنسبة أنى ليه مسافرتش .. ^^

صراحة ما عنديش إمكانيات .. أسافر .. ^^

وكمان مش عايز أكلف والدى فلوس ..

أنا كان جايلى بعد الثانوى منحة لماليزيا بس عملوا اختبارات وبرغم أننا حلينا كويس مخدوش غير الناس اللى أبهاتهم واصلة فى البلد ..

وكذلك منح للجامعة الألمانية والأمريكية .. بس برده نفس الظروف .. حطوا شروط تعجيزية .. منها مثلا أنى لازم أجيب كل سنة تقدير جيد جدا ولو قليت عنه فى سنة مطالب أدفع مصاريف الجامعة الأمريكية .. اللى هى يمكن 100 ألف جنيه مصرى فى السنة .. وصراحة مكنش عندى الإمكانيات أنى أجازف بالموضوع ده ..

بس إن شاء الله أنا بسعى .. وبعمل اللى عليا فى موضوع السفر وبالباقى على ربنا ..

عفكرة السعودية فينى أسافرها بسهولة مطلقة .. لأن القنصلية عاملة منح وشروطها سهلة ومنطبقة عليا ..
بس أنا مش هسيب مصر وأروح أدرس فى السعودية صراحة مش طموحى ..

طموحى منح لبره ..

فيه كذا منحة بس مستنى أتخرج وأشوف موقفى من الجيش ..

انتى بتروحى السفارة أو القنصلية بتاعة الدولة اللى بدك تدرسى فى أحد جامعاتها ؟.. وبيبقى فيه كام شرط زى التويفل مثلا وكام شهادة كده بتجيبيهم .. وخلاص بتسافرى ..

والدراسة رح تكون مجانية إن شاء الله ..

ربنا يعين ..

لو مكتوبلى أسافر هسافر لو مش مكتوبلى خلاص عادى .. اهم شئ بعمل اللى عليا ..

وبعدين صدقينى الإنسان عمر ما طموحه يتوقف على جنسه أبدا ..

بدليل أننا شفنا علماء عرب من النساء وصلوا كثيرا وخاصة فى مجال الطاقة النووية .. ومنهم عالمة مصرية تم قتلها على أيد الموساد .. لأنها استكملت أبحاث مصطفى مشرفة .. الذى قال عنه أينشتين .. أنه لا يوجد فى الكرة الأرضية شخص يفهم فىا لذرة أكثر من مصطفى مشرفة .. إلا أنه قتل أيضا من الموساد ..
وفيكى تقرى عنه ..

الغرب والدول بتحارب العالم العربى عشان التعليم ميطورش أبدا عنده ولزام يكون عندنا الطموح للتغير ..