[Dr.Yaso]

زَي مَاما وبَابَا ..كُلْ ما أحكي عن معلماتِي ..بيسَمْعُوني مُحَاضَرة عن أهمية المُعَلِّم فِي المُجْتَمع
وكيف كُنا زمان نخاف من المعُلِّم ..كِيفْ كَان يدعس ع رقبتنا ..وفي النِّهاية نِحْترموا ..
مآشي ما إخْتلَفنا ع عيني ورَاسي ..لمَّا يكُونوا معلمينا زي معليمينكم زَمَانْ ..غَصْب عني رَحْ أحْترِمهُمْ ..
بَسْ لما معلمة بدها رَشْوة ..!! يعني .. والله كبيرة شوي ..من وين بدو يجي الإحْتِرَام والخُوفْ ..
أنا مُش فَهْمة شو الي خَلاَّ الحالْ يوصَل لـ هالدَّرَجة ..
إزا زَمَان كَانوا المعلمين كتير منَآآح ويَسْتِحقوا الإحْتِرامْ ..
ولمَا يكونوا الطلاَّبْ زي أهْلي وأهِل رفيئْتِكْ ..يكِنوا للمُعلم كُلْ الحُب والإحْتِرَامْ والوَلاءْ ..
شو الي خلاَّ الحالْ هيك ..مين الي غير المُعادلة ..؟؟؟

شوفي متل ما 1+1=2

يبئى مدرس محترم حالو ومحترم طلابو + طالب محترم حالو ومحترم مدرس = كاد المعلم ان يكون رسولا

واللي غيّر هالمعادلة هوي الزمن وفي كتير اشيا بتأسر طبعا

بعرَف إنو ما كانْ غلطان .. هوا حَكَا عن المُعَلمينْ بـ حَقْ ..والمُعلِّمين بحقْ الي بيوصلوا رِسَالة سامية وأخلاق
عالية ..
بس كُل ما فتحنا تمنا نتشتكي عن المعلمات ..بيحكولنا ..بس إسْكُتوا .. كاد المعلم ان يكون رسولا ..
مش أي معلم يمآ ..بس كان لازم شوقي يحط المعايير التي يجب ان يقاس بها المعلم ..ليكون رسولا .. هههه

المعايير سقطت سهوا منو،، او يمكن كان مفكر انو المعلم رح يضل معلم بمعنى الكلمة

على مر الأزمان و نسي يحسب حساب انو الناس بتتغير والدنيا بتغير (:

قآل تردي عليه قالْ ..يا بنتي كاد ان يكون رَسُولاً .. كآد .. الله يهديكي ..كآدْ ..
ههههههههههههه
بيجوا وكأنوا داخلين معركة ..وبيبدءوا ترهيب وتهديد وتوعد ..ليش ..ليش ..ليش ..
كأنوا أعدائهم ..ولا لإنو في بعض المعلمات بدهم يعملوا لحالهم شخصية قوية تمنع الطالبات من التطاول عليها
لإنو بعيد عنكْ الطالبات عنا أغلبيتهم مُشْ محترماتْ ..فـ بيعاملوا كل البنات ع هـ الأساس ..

مممم نو عنا ما بيتعاملو على هالاساس لأنو متل ما حكيتلك انتي بالجامعة مش بنت زغيرة

وفي ناس اشكال الوان وكل واحد بتربية شكل،، يعن الي انا بشوفو غلط غيري بشوفو صح

وهيك، فـ الغلط هون شيء نسبي..

والله!! ..
إنتي أول وحدة تحكيلي هيكْ .. منيح ..فرَّحتيني .. :)
كتير ناس بس أشكيلهم .. بيقولوا ..ولسا ماشفتي إشي في الجامعة أكتر ..( قال يعني بيخففوا عني :(..
منيـــــــــــــح ..

نو تفائلي الجامعة ابدا مش هيك،، الجامعة مرحلة تانية وجو تاني انتي واللي حواليكي كلكو

كبرتو وانتئلتو لشي غير الي كنتو فيه،، والحلو فيها انو الروتين كلو بروح كمان يلا عيشي

ههههه المُشْكِلة .. هاي نقطة ضعفي .. والمعلمات بيستغلوها ..بموووت ع ربع الدَّرجة ..
مابقدر .. بس فشرت أجيبلها مش عافة شو من المكتبة ..حكتلها حطيلي درجة الإختبار الأول وخلص ..

شُكراً إلكْ ع المُشَاركة يآآسو ..
بس شو تخصصكْ ؟؟
شُكراً .. ^^

ولك يا بنتي حلو الواحد يكون طموح وبيطمح دايما للأفضل والأحسن وانو يكون توب

بس كمان ما بنفع ندفن حالنا بالحيا بين الكتب والدراسة!! نفسك إلها حئ عليكي

يعني شي ومنو، كوني مجتهدة بس الربع والنص مش كارثة (:

وشكرا إلك يا عسل،، انا تخرجت جراحة طب اسنان وهلأ بتدرب

ولكم ^^