[حسام المصرى]

مكنتش شاطر ولا اشى يا دموع ..

بس أهلى ربونى على شئ .. أنى أستغل الامكانيات المتاحة لى بقدر الإمكان ..

وزى ما بيقولوا نص العمى ولا العمى كله .. ويا بخت الأعور وسط العمى ..

مش معنى أن المدرس أو الدكتور مش عجبنى يبقى خلاص أطنطط وأعمل فيها أحمد زويل وأبتدى بقى أتفلسف على كل مدرس شوية واعمل نفسى فاهم فى كل شئ ..

لااااااا .. أى شخص ليه مميزات وليه عيوب .. وأكيد مدرسين السعودية حتى اللى حكيتى عنهم دو ليهم مميزات ..
بس فيه ناس بتحب الفلوس حب .. اعوذ بالله .. منهم

لذلك فيكى تستفيدى من المدرسة وتدخلىا لكلية اللى بدك إياها برغم طبعا أن الدراسة فى السعودية فى المدارس مش كويسة .. لانها مرتبطة بمنهج من الوزارة وكده ..

بس حاليا الجامعات فى السعودية شئ تانى خالص .. لأن الدكتور مش بيبقى مرتبط بمنهج والسعودية بتستقدم دكاترة كتير خصوصا مصريين عشان يدرسوا فى الجامعات ..

مثال زى كلية الملك فهد للبترول والتعدين اللى هى زى كليتى كده .. طبعا عندهم إمكانيات رهيبة السعوديين تخلليلهم الدراسة تبقى حلو .. بس الطلبة اللى طالعين الأساس بتاعم مش perfect بنسبة كبيرة أوى .. لكن الدراسة الجامعية ممتازة ..

الدكاترة بتوعنا بيحكوا .. لما البترول فى السعودية انتشر ..
ما كان عندهم كلية فى السعودية تدرس البترول .. وطبعا كليتنا من سنة 1960 .. فمصر جابت الطلبة السعوديين وعلمتهم عندها .. كمان السعوديين خدوا دكاترة كويسين ومهندسين مشان يروحوا يدرسوا هناك ..

ولسة دكتور من عندنا ممتاز جدا سابنا وراح يدرس فى الجامعة بتاعة الملك فهد .. كل ده مشان الفلوس .. ربنا يكرمه بقى ...

ولذلك الإمكانيات الكتير ممكن تصنع كتير بس لو مفيش فساد ..

عندك مثلا ليبيا .. دولة بكل الأرباح الهائلة دى من النفظ على مدار السنين .. والدكتور بتاع ال economics تبعنا ذكر أن كان كل سنة 20 مليار دولار يدخلوا الميزانية بس العائد مفيش للأسف بسبب الفساد ..

فعشان هيك ما كان فيه بنية تحتيه كويسة فى ليبيا مقارنة بدولة مثل قطر مثلا .. أو الامارات الدول الى عندها امكانيات ونسب الفساد قليلة وده طبعا بسبب أن كلهم مستواهم عالى ماديا وعدد السكان قليل .. والبترول كتييييييييير ..

فمجتمعاتنا عشان التعليم فيها يطور لازم نتخلص من سياسة سيطرة رأس المال .. ويبقى المجتمع كله بيتعلم نفس التعليم وبطريقة حلوة ومواكبة للتعليم فى الدول المتقدمة .. منلاقيش بقى مدارس بريطانى ومدارس أمريكى وجامعات كذلك ..

لانه من حق كل مواطن أنه يتعلم فى بلده تعليم كويس عشان يفيدها .. والثوارات العربية كانت بداية لنهضة شاملة نسال الله أن نحيا لنرى آثارها على مجتمعاتنا ..

وقد تألمت كثير عند مشاهدتى لبرنامج للدكتور الرائع طارق سويدان .. ( وللعلم هو مهندس بترول ولكنه درس فى أمريكا على ما أعتقد ) ..

كان يقارن بين مستوى التعليم والبحث العلمى فى الدول العربية وبراءات الاختراع وبين دولة مثل اسرائيل وجد أن الفجوة كبيرة جدا ..

أنا مع فكرة أخذ الخبرات من الآخرين ..

لمذا وصل الماليزيين .. لانهم تعلموا من اليابان .. أما نحن فلا .. والفساد كان السبب لن أنكر ..

عن نفسى أتمنى وأنصح أى طالب أن يسعى للسفر إلى الخارج للدراسة فى الدول المتقدمة .. ستوفر له امكانيات كثيرة ..
ولكن ليعود ويفيد بلده مرة أخرى وابناء وطنه ..

التعليم سلاح الأمم الناجحة ..