[جورية القسام]

آها .. طيبْ
إحنا عنا في السُّعودية .. من تقريباً ..مابعرف كم سنة نزلوا مناهِجْ جديدة ..وهي المناهِج الأمريكية ..في المدارِسْ الحكومية .. ( هالمناهج خاصة بالموادْ العِلْمية )
وبـ هالطريقة المناهج نزلت ..
منهج اول إبتدائي ..ومنهج رابع إيتدائي ..نزلو في نفس السَّنة ..ومنهج أول ثانوي ..لحالوا نزل من سنتين ..
ع أساس لما طلاب الصَّف الأول لما يدرسوا المنهج المطور ينتقلوا للـ الصَّف الثاني وينزل المنهج المُطَّور للصف الثاني معهم ..وهيك بالنِّسبة للـ الَّف الرَّابع والأول ثانوي ..
والمشكلة المناهج كانت شوي صعبة وغير مُلائمة للطريقة ..
يعني من الغباء إنو في نفسْ السَّنة تنزل هـ الأربع مناهج ..
لإنو منهج رابع إبتدائي المُطور مثلاً يعْتَمِد ع منهج اول وثاني وثالث إيتدائي المُطور ..بس الطفل الي في الصَّف الرَّابع ما درس المنهج المطور الي في الصَّف الأول والثاني والثالث ..
فكان صعب ع الطُّلاب في الفِهِم لإنو لايلائم المجتمع ولا طبيعة المدارس ولا طبيعة الطُّلاب وقُدُرَاتهم ..
والمدارس ماكانت مجهزة زي المدارس الأجنبية ..والمعلمات وما أدراكَ ما المعلمات ..
إزا في المنهج العادي ما بيعرفوا يشرحوا بدهم يشرحوا بالمطور ..!!
ومن الأخطاء برضوا
إنو المناهِج الجديدة نزلت بالإنجليزي ..وإحنا الإنجليزي عنا في المدارِس الحكومية يبدأ تدريسوا
من الصَّف السادِس إبتدائي ..فـ كيف طلاب الصَّف الرابع رح يفهموه هيكْ !!
والحكومة ..ماوفَّرت دورات للمعلمات لـ حتَّى يفهموا المنهج ويتعلموا .. وصارت كل وحد تفتي من راسها .. :/

حــــــــــــالة
والحمد لله إني مادرست هالمناهِج الغبية ..

انا بخالفك بهاي النقطة

انا درستهم والله

وهي كتيير اسهل من المناهج القديمه
لانها ارتب ومكتوبة بخط احلى .. وحاطين صور حلوة وممتعة

والانجليزي اللي في بس الاحرف والارقام .. وما في اشي انجليزي غير هيك

واختي هلحين بصف رابع

ومناهجهم الجديدة ما فيها اشي انجليزي حتى الارقام والاحرف

وبالنسبة للدورات اللي للمعلمات .. عملولهم السنة اللي فاتت .. والسنة هاي كمان


المناهج الجديده ما فيها اشي امريكي

لانها نفسها المناهج القديمة

اللهم اختلاف في الترتيب .. وطريقه الكتابه

واضافه اشياء جديدة مع الدراسات الجديده اللي بتصير



وشكرا من جديد :)