[Dr.Yaso]

المشاركة الأصلية كتبت بواسطة حسام المصرى بدى أعرف معلومات عن تلبيسات الزيركون ..

من حيث نجاح العملية وسهولتها والتكلفة ..

والأعراض الجانبية ..

أرجو الرد ..

هلا حسام

معلش ما انتبهت للموضوع غير هلأ

انا ما بعرف كتير بما اننا ما استخدمناهن بالعيادات يعني نظري بس

بس سالتلك رفيئتي ورح احكيلك اللي حكتلي اياه

العملية بتم كالتالي

السن هيك بكون طبعا



بعدين الدكتور بحضر السن وبشيل منو جزء



بعدين في سيستم معين بستخدموه وبعملو سكان للسن (scan)

وهالسيستم المستخدم بالكمبيوتر برسم صورة 3D لشكل السن

وبيتودا ع اللاب وبينعمل هناك

السيستم هادا بشبه سيستم اسمو CAD CAM

المهم نجاح العملية زيها زي اي تلبيسة تانية او الجسور

التكلفة عالية لأنو الطريئة الـ convintional او التئليدية بالعادة هي المستخدمة

بس طبعا كل ما كان في تقنيات اكتر بتكون التكلفة اعلى

اعراض جانبية ع المريض ما في،، بس في مشكلتين ممكن يصيرو

اول وحدة انو بالعادة التلبيسة بتتركب ع السن وبنحط بيناتهن مادة اسمنت عشان تلزء التلبيسة بالسن

فـ مع الوئت هاي المادة ممكن تتحلل ويدخل الاكل واللعاب بينها وبين السن

طبعا بنسبة بسطة لأنو ازا انحلت هالمادة بكون الفراغ شي 1 مم بس برضو حتعملك حساسية

المشكلة التانية انو مادة الزيركون ممكن تسبب انحلال للسنان الي حتكون مقابلة إلها

بس طبعا بنسبة أئل من البورسلين

ممم الزيركون بيتحمل وأوي وشكلو كتير حلو وفيو نسبة شفافية متل الاسنان الطبيعية

طبعا هالشي بتفتقر إلها كتير من المواد التانية اللي بتتلبس

،،

انشالله اكون إدرت افيدك (: طبعا شوف دكتورك وخود رأيو وازا بدك نصيحتي اعمل التلبيسة العادية

اللي بعملوها كل الناس انو تكلفتها معئولة وبرضو منيحة..