[Dr.Yaso]

المشاركة الأصلية كتبت بواسطة shorooq

أهلا مرا تانيه ولاتحسيني متشدده بكل امور حياتي
ترا أنا فري وفله وعالموضه :shababsmile229: اسألي ايمان :shababsmile108:
طيب حبيبتي اتمعني بهادي الآيه

" ومن الناس من يشتري لهو الحديث ليضل عن سبيل الله بغير علم "

قال الحسن البصري : أنزلت هذه الآية : ( ومن الناس من يشتري لهو الحديث ليضل عن سبيل الله بغير علم ) في الغناء والمزامير
قال ابن جرير : حدثني يونس بن عبد الأعلى ، أخبرنا ابن وهب ، أخبرني يزيد بن يونس ، عن أبي صخر ، عن أبي معاوية البجلي ، عن سعيد بن جبير ، عن أبي الصهباء البكري ، أنه سمع عبد الله بن مسعود - وهو يسأل عن هذه الآية : ( ومن الناس من يشتري لهو الحديث ليضل عن سبيل الله ) - فقال عبد الله : الغناء ، والله الذي لا إله إلا هو ، يرددها ثلاث مرات


وهادي آيه من القرآن يعني مافيها نقاش أبدا ( :


بالنسبه لموضوع انها ضلتها عالئه في مخي
بكزب عليكي ازا حكيتلك ضلتها عالئه من فرح بنت عمتي من أول مرا سمعتها فيها
لكن ححكيلك ليش ضلتها عالئه على انو انا مش مجبوره أبررلك لكن حوضح عشان
ماتفهميني غلط
باعتبار انو زوجي بسمع أغاني وأنا لأ
فلما كنا مخطوبين ماكنت أرضى يفتح اغاني وأنا معو ولحد هلئيت
لكن مرا ارسلي هالمقطع عشكل رساله يعني كلام
عشان هيك ضليت حافزيتو ( :

شوفي حبيبتي انا ححكيلك شو الفرق بين الاغنيه والانشوده على اني حكيت قبل هيك
لكن مش مشكله

أولا بالكلمات ..
تانيا الاغاني فيها موسيقى أما الاناشيد ايقاع فقط
اللحن مافي مشكله لانو بضل لحن ي شكل من الأشكال
وبالنسبه للأناشيد بموسيقى فأنا ضدها بإجماع غالبية العلماء والمشايخ
لكن بضل احكي للأناشيد بموسيقى أنشوده لانو بتضل كلماتها أحسن وأأدب بألف مرا من الأغنيه
وكمان بتضلها انشوده والي بنشدها انسان محترم
مش انسان كليباتو مع حريم كاسيات عاريات
ولا وحده فاجره آعده بتغني أبصر كيف لبسها !!وبالنسبه لاناشيد الأفراح أنا أكتر وحده عارفه فيهم لانو انا الي نزلتهم عفرح أخي وأختي وفرحي
فعرفاهم كلهم وعفكرا مش عادي المنشد يحكي هالكلمات حتى لو لزوجتو
لانو المفروض يكون في خصوصيات بينو وبين زوجتو مش قدام الناس ( :
عموما سامحيني وانتي حره بالنهايه
اعذريني ازا تقلت عليكي

بحبكم في الله

ماشي يعني ازا بجبلك اغنية ما فيها حكي طالع نازل حكي حب محترم

و ايقاع بس، حتسمعيها؟

يا حبيبتيانا لما احكي عن اناشيد اعراس انا عارفة ع شو بحكي

مش عم بألف من راسي والسلام،، يعني بشيلو شوية حكي وبحطو شي تاني محلو

كلمات شوي محترمة اكتر بس برضو مش اناشيد والله الله! فليش هاي حلال؟

احنا عم نحكي ع نوع شكلك ما بتعرفيه.. بئولك بمسكو اغنية بغيرو بكلماتها وبس!!!!

وبس يعني بضل اللحن وبضل كل شي والموسيئى ومئطع الموسيئى اللي شي ربع سيعة

ع حد أولك.. ليه هدول ما عندك مشكلة فيهن وبتحطيهن بأعراس اختك واخوكي وعرسك

بس اغنية ماهر زين كان فيها مشكلة؟ ليه بناقض حالنا آعدين؟

بعدين ازا طلع منشد وحكى كلام حب لزوجتو لأ عادي احكيلك ليش يا ستي

لأنو الاناشيد معمولة عشان الناس تسمعها وتستفيد منها وتتلقى المعلومة اللي المنشد

عامل مشانها النشيد وبدو الناس تعرفها.. يعني ازا بدي اعمل نشيد ما احكيه فيه شي

اصلو هادا شي خاص فليش انشد من اساسو؟؟ ولا اعمل نشيد تكون كلماتو

(عامل مرتك بطريئة منيحة متل -----) واسكت؟؟ طيب ما بلا النشيد كلو ع بعضو

ع العموم نحنا كمان بنحبك وكل واحد بحكي رأيو

واختلاف آرائنا ما بعني انو في مشكل بيناتنا (: