#5
تاريخ التسجيل: Jul 2011رقم العضوية: 28571الجنس: آنـثـىالمشاركات: 269التقييم: 257
مزاجي:
My SMS فتش في ألبك .. عن كلمة بحبك
رد: هل الدين ضد الرومانسية والعشق ؟؟!! سؤال بسيط
المشاركة الأصلية كتبت بواسطة دموع الغربة واشواق العودة
وعَليكُمْ السَّلامْ ورحمة اللَه وبَرَكَاتهْ .. :) ومش لآزم أفتح النت موجود بكل مكان ..لكن زي ما حكيت الأدلة لا تؤخذْ من ظاهرها ..يجب فهم معناها ومقصودها .. وكل إنسان بيفهم المقصود بشكل مُعين .. إنتي فهمتيه ( تحريم الموسيقى بشكل عام ) .. أنا فهمته ( تحريم الموسيقى بشكل خاص لفئة معينة من الناس ..) .. كل إنسان حر فيما يخْتار .. :) يعني بتفكريني لما دوَّرت ماوشفْت هـ الردود ..قرأت الرَّدْ على حديث الجاريتين .. وقرأتْ الردود ع أحاديث كتير غيروا .. بس في النهاية ما إقْتَنَعت بـ هالردود ..إقتنعت بالرأي الآخر ..مش لإنو يوافقْ هواي وما أُحِبْ .. بل لإنو مَنْطِقي أكْتَرْ مِنْ وُجْهِة نظري .. وبعدين شغلة الموسيقى مش موضوع مُسْتحدث وجديد وكل يوم بتطلع فيه فتوى او دليل .. كلها كم دليل والعُلماءْ بحَثُوا وإجْتَهَدوا وقرروا .. هـ الموضوع من زمانْ ..وأي إنسان بيجي يخْتار رح يلآقي هالأحاديث والردود بوجهو .. وهوا حُرْ يختآرْ .. :) هههههه يعني بصراحة لما إسمعت الإغنية بدون مُوسيقى ما عجبتني وما حسيتها كاملة ولائقة إنو يُذكر فيها إسم الله ومحمد صلى الله عليه وسلَّم ..بلغة أُخْرَى حسيتها مشَرْتَحَة وأي كلآم .. لكنْ وجُودْ المُوسِيقَى ..خَلاَّها مُرَتَّبة أكْتَرْ وأكْمَلْ ..وعَلَى فكرة في كتير معاني وأهْدافْ مَشَاعِرْ بتوصل بالمُوسيقى أسرع من الكَلامْ ..بالنسبة إلي .. وبعدين أنا فكَّرْت فيها زي مافكر كتير عُلَماءْ فيها ..إذَا مافي إلها ضَرَرْ على الفَرْدْ يعني ما بتضرني بل بَحِسها من الكَمَالياتْ زي الإكسسوار للأُنْشُودة ..وبتوصلي معاني كتير رآقيه ..فـ ليش لـ حتَّى الله يحَرِّمْها ..وهيك كتير ناس فكروا ..بس لإنو في الأغاني بيستخدموها لنَشِرْ الفواحشْ .. طيبْ وفي النَشِّيد بيستخدموها لنَشرْ الخير ..وهي إنْتَفَتْ عِلَّةْ تَحْرِيمها ..بالتالي إنْتَفَى حُكْمُهَا .. هادا الحَكِي مشْ من عندي ..كتير عُلَماءْ إستنبطوا هالحكم من إتباعْ نفس طريقة التفكيرْ .. .أنا هيكْ بشوفْ ..وكتير ناس بيشوفوا هيكْ .. ولا تحكي مافي إختلاف ..إذا مافي إختلاف ..إذاً ليش في ردود ع قول الجاريتين .. معناتو في فريقين من العلماء ..منهم من أباحها في الأناشيدْ ومنهم من حرَّمها .. فلو كان حراماً ما أباح رسول الله لابن عمر سماعه ولا أباح ابن عمر لنافع سماعه إنَّ بَعْضَ الظَنِ إثمْ ..إرجعي إقْرَئِي بتفهميني منيحْ .. :( يآآ حبيبتي مش ضروري أي موضوع إنتي تشوفيه من زاوية كل الناس إلزامي يشوفوه من نفس الزاوية .. إنتي بتحسي إنو الموسيقى ما بتساعدْ ع طاعة الله أنا غير هيكْ ..إنتي ما جربتي وسمعتي وتأملتي .. يعني أنا بحس لما أسمع أُغْنية لسامي أو ماهر ..إنو الشُعورْ الي بيقصدوا هوا من وراء الكلماتْ كان تذلل لله أو حُزُنْ علَى الأُمَّة أو فَرْحة بالعِيد أو غيرو ..بَحِسْ إنو الموسيقى بتعبر عنها أسرع من الكلام ..وهادا مش معناتوا إني مابعطي أهمية للكلام بالعكس الموسيقى بدون إشي تثعبِّرْ عنو لا فآئِدة مِنْها ..وتبْقى الموسيقى في نظري كالإكسسوار للأُنْشُودة تعطيها لمْسَة فنية إبدَاعية وتُسْهِمْ في نقل المَقْصُودْ .. يمْكن بتفكريني مُتعلقة بالموسيقى لـ هذهِ الدرجة ..بسبب إني تربيت في بيئة موسيقية ..أو إني كُنْتْ فيما مَضى أسْتِمِعْ للإغاني الفَاحِشة .. وانا بحْكِيلكْ ..لأ .. أنا أهلي تقريباً زيكْ ضِدْ الأناشيدْ المَصْحُوبة بـ موسيقى ..وعآدي .. وعمري ماسمعت الأغاني الفاحشة بإرادتي .. :) في النهاية ..كلْ إنْسانْ حُرْ فيما يَخْتار ..أنا إخترت الرأي الي أقنعني من آرَاءْ العُلمَاءْ مش معناتوا إنو باقي العُلمَاءْ والي إتَّبَعُوهم غلطْ وإني ع صَوابْ .. أنا إخترتْ طريق وأنَا قدو ..ومشْ نَدْمَانة أبداً وشايفاهـ ع الصَّوابْ .. ولحتى أبينلكْ إني ع صوابْ مُشْ حَثْبِتْلِكْ إنكْ ع خطأ .. أنا حرة فيما إخْترتْ .. :) وبَعْتِقدْ إنو بعْدْنا عن الموضوع كتير ..فـ بكفي نِقَاشْ في المَوسيقى وتحليلها وتحريمها .. :) هادا مُشْ مَوْضُوعي الأساسي .. :) شكراً إلكْ ع المُتابعة .. :)
قال تعالى .. " وعباد الرحمن اللذين يمشون على الأرض هونا "
اقتباس المشاركة