[صمت السنين]

--------------------------------------------------------------------------------

!! اقــســى قـصـيــدة حــــب !!



لا جيـت ابنسـى واتراجـع واسامحـك
صاحن جروحي واشتكن لـي طعونـك!!

كلك خيانـه !! قـول وشلـون ابمنحـك
وش موقفك من شخـص دايـم يخونـك!!

اكبر خطا.. لـو جيـت يمـك اصالحـك
اول تـحـول لاتـغـرك .. إلحـونـك

اللي تقولـه صـح لـو كنـت جارحـك
(مير) انت غارق للاسـف فـي ظنونـك

وصفك نسيتـه بـس .. باقـي ملامحـك
بنهيـك وانهـي بالنهـايـه .. جنـونـك

ماتستحـق امـد (كـفـي) واصافـحـك
مثلك غلـط عمـري وابحيـا .. بدونـك

لعبـت دورك شاهـدات(ن) مسـارحـك
خدعتنـي واظهـرت خافـي فنـونـك!!

كنت اعتقد قلبـي هـو ابـرز مطامحـك
اللـي يبيـع النـاس .. لجلـه يصونـك

تعبت اسوق الشـوق يمـك واصارحـك
اخلصـت لـك بالحـب شوفـت عيونـك

لكن خسـارة صـرت غايـة مصالحـك
ياليتنـي ماجيـت لحـظـه .. بكـونـك

بالامس كنت بنشـوة الحـب ..امازحـك
اخيـل بـرقـك واتـحـرى امـزونـك

واليـوم مـن صفحـة حياتـي ابمسحـك
هديـت صرحـك ثـم طاحـت ركونـك

ولابي عيونـي لـو تصـورت تلمحـك
اعلنت موتـك .. وانسجـن لـي كفونـك

وان جيت تطلـب ترتجينـي .. اسامحـك
بهديك طعنـه .. مـن بقايـا .. طعونـك



وســــــــــــــــلامــــــــــــــ ـــــتـــكم