[دمع المطر]

اليوم كانت بدايته حلو
اخدت مادة هيومن اند انفيرومنت
صحيح وصلت متأخرة كالعادة بس فهمت عليه
كان يشرحلنا كيميا ،خخخخخخ
وكل شوي يحكيلنا انا ما بدي أشرحلكم كيميا ،
وكل اللي معي كبار سنة تالتة رابعة وتخصصهم
وعارفين المصطلحات وانا يا حسرة عليي

رحت ع محاضرت الفيزيا بنفس الكلية
واستنى واستنى
كنت امشي بالكاردور أضيع بالوقت ،بلاخر فتت ع القاعة
لقيت كم طال حاجزين بدفاترهم و كل شوي حد بيسألني هون محاضرة الفزكز
وقتها بعتت مسج لرورو وصارت تتمسخر علي
لاني سنفورة وتحكيلي انا ما باجي الا بعد الدكتور ،هههههههههه
بالاخر اجت بنت ، والدكتور ما أجى
بعد شي ربع ساعة حزمنا أمرنا الطلاب بدنا نطلع
رحنا عند رئيس قسم الفيزيا
و إذا بالمصيبة مسكرين الشعبة لانه بس 9 مسجلين بهاي الشعبة
ومن وقتها من العميد لرئيس القسم ومنهم لعند مدير التسجيل شي أكتر من أربع مرات روحة جية من واحد للتاني
كل واحد بزتني ع التاني مشان انقل ع شعبة تانية
بجد نرفزوووووووووووووووووني ، لو وكلو أمر السكرتيرة لالي كنت ناوبتها فشكة بعينها ع قد ما استفزتني رجعتني تلت مرات
وهي تحكيلي احنا ما إلنا دخل
وما مخليتني اشوف مدير التسجيل مع اني جايبة ورقة موقعة من العميد ورئيس القسم
بالصدفة طلع مدير التسجيل مش عرفة شو بده من السكرتيرة
حكتله ولا هو بحكيلي انتو ال 9 نقلناكم بكرا من 11ل 12
يعني كل هالركض ع الفاضي كان لحالهم نقلوني،كتيرة غلبة أنا
روحت ع 2 مية تعب ، انخبلت