[.. ريتّـــا ..]

غدآ انت عروسُ... ((فهل اتت مستعده))

مشكلتنا إحنا البنات كل وحدة مشغولة باللي شاغلها سواء دراسة أو نت أو غيره
وما بنفكر بالمستقبل .. وفجأة بتنخطب البنت وما بتعرف شو تعمل بعدين
هاد حال كل وحدة بتقول لسة مش مستعدة وبس أخلص جامعة بستعد .. الواحد ما بيعرف متى النصيب بيجي والمفروض يتجهز خطوة خطوة

مسألة البيت وطبخ ونفخ يمكن مفروع منها
بفترة الخطوبة بتقدر البنت تتعلم شوي في حال ما بتعرف أي شي
وأول فترة من الزواج فيها تتعلم من إمها من حماتها أو حتى ممكن زوجها يشاركها

تقريباً هاي الأشياء اللي بنفكر فيها كبنات عربيات تقليديات
بس طبخ وكنيس وبيت

لو نيجي نفكر بالشغلات التانية ،
كيف أتعامل مع زوجي؟ كيف أحافظ ع الجو وما أشحنه كل يوم والتاني؟
كيف أتعود ع فرق العادات .. وكيف أعوّده على أطباعي؟
تنظيم الوقت .. حقوق الزوج .. ونقطة كتير مهمة هيّي أول صبي :)
في بنات بيدرسو .. وبيتزوجو خلال فترة دراستهم ..
وأول ما بيتزوجو بيصير حمل وخلفة وولاد ويلا هيّ راحو سنتين بهالعملية
هاد إزا مأجاش غيرو P:
والدراسة الله يبعت لها
ممكن تكمل بعد كم سنة .. وممكن تترك !
هادي هي النتيجة ..


وكل هاد بسبب إنو لسة إحنا مش مستعدين
ما بنعرف لا نظرياً ولا تطبيقياً كل هالأشياء
لما ننخطب ما بكون في وقت لنستعد لكل اللي قلته
خصوصي إنو البنت بكون كل همّها زي حالاتي حالياً .. الفستان والبدلة والكوافير والصالة
والمعازيم والهدايا و ........
كلو هاد بروح بيوم .. بأسبووووع .. لكن ما بعد الأسبوع؟ بننصدم بالواقع الجديد علينا
اللي مش عارفين عنو شي

فأنا بشوف إنو غلط البنت تقول بس أخلص جامعة بفكر أستعد
الزواج زي الموت .. محدش ضامن متى يكون



أشكرك :)