[حيآة الروح]

المشاركة الأصلية كتبت بواسطة حسام المصرى حياة الروح ..

كلمينا عن أصدقاءك ؟؟

اصدقائي بالمدرسة
عندي 3 صحبات وكل وحدة تختلف عن التانية
ايش احكيلك عنهم طبعا مؤدبات متلي يعني
بس ..

لما بتكونى زهقانة بتخرجى وين ؟؟

عند اقاربي اما عماتي او دار خوالي وبكرة رايحة عبير زيت وانا مالي نفس وعلي 3 اختبارات

انه اكتر مدينة فلسطنية بتحبيها ؟؟

مدينتي اكيد

رام الله .. تقع وين فى فلسطين ؟؟

تقع مدينة رام الله والبيرة وسط السلسلة الجبلية الوسطى في فلسطين
اذا بدك معلومات عنها بكتبلك =)

سافرتى خارج رام الله كام مرة ولوين ؟؟

ولا مرة ونفسي اطلع
بس ان شاء الله راح اطلع عمرة ولاول مرة بشهر 1 بالعطلة بين الفصلين بس لسة مش اكيد

بتشجعى فرق ايه فى كرة القدم ؟؟

برشلونة =)
بس تيجي تسألني عنهم اشي ما بعرف الا ميسي
طبعا من اخوي

إيه اللى عجبك فى منتدى شباب فلسطين ؟؟

ما في شي محدد
بس اكتر اشي الاعضاء الي فيه
يدخلو القلب بسرعة
حاولت اتركو للمنتدى بس ما قدرت
في اشي ما خلاني اتركو

ايه السلبيات اللى موجوده فيه ؟؟

ما في تعديل للمشاركات دائم
لازم المدير يشارك معنا مش يضل مخفي

صفات .. رجل أحلامك .. ؟؟

اول شي يكون متدين من ناحية الصلاة والعبادات
بعدين يكون خلوق ويحترم الرأي
حابة يجيني منشد بس اكيد شي مستحيل
وما يدخن
اما بالنسبة للتعليم ما يهمني
لانو مو كل متعلم يعرف كيف يتعامل مع الناس=)


إيه رأيك فى موضوع العصبية بين محافظات البلد الواحدة .. ؟؟

اكيد راح تتشتت البلدة ويكون فيها خلاف وراح يؤثرا سلبا على المجتمع

بتحبى فتح ولا حماس ؟؟
هذا السؤال بجوز ادخل السجن عنا منو
اكيد حماس وافتخر


معلومات ايه عن ياسر عرفات ؟؟ وإيه رأيك فى اتفاقية أوسلو ؟؟

ابو عمار". رئيس السلطة الوطنية الفلسطينية المنتخب في عام 1996
ما بتذكر عنو شي لاني كنت صغيرة لما توفى لكن يحكو كان مناضل
اما عن الاتفاقية بجوز لو ما صارت كان ما صار ابو عمار رئيسنا وبنفس الوقت رايي فيها انو اتمنيت لو انها ما صارت

عكل حال ما بحب احكي بالامور السياسية


منور اخي حسام
حلوة الاسئلة =)
بانتظار عودتك