[.. ريتّـــا ..]

●[آلـمـحـطـة آلـثـآنـيـة ]●

قسّمتها على مرحلتين ، لإنو الأسئلة كتار
تسلمولي يا صبايا ع المتابعة ^_^

لـبـآسـكـ ~

1- مآ هو لونكـِ آلمفضل في لبآسكـ ؟
بحب الموف بس مش أكتر لون بلبسه ،
بالعادة بلبس أي لون مش مشكلة عندي .. المهم القطعة ولونها مع بعض يكونوا مناسبين :)

2- هل هُنآكـ شرِكة ( مآركة ) معينة تحبين آلشرآء من بضآئعهآ ؟

بشتري من كل مكان سواء ماركة أو محل صغنون على قده ، المهم شكل القطعة مش مهم تكون ماركة أو فخمة
بحب محلات ليندكس وفيرو مودا وبيانكو أكتر شي :)

3- هل تكررين آللبآس في أكثر من منآسبة ؟

ممكن أعملها لو ما كان المعازيم نفسهم بالحفلتين ،
بس لحتى الآن ما عملتها لإنو الحفلات والمناسبات عنا قلال مش زي الدول العربية كل يوم حدا بيتزوج أو بتخرج هههه ، ولإنو القطع اللي عندي معظمهم مش ملبوسين لسة .. بدهم مناسبات مش لاقيين

4- " الحقيبة اليدوية " هل تشكل أهمية لأنآقتكـِ ؟

أكيد ، أكتر شي بحبه بالمظهر الخارجي للبنت حقيبتها وجزمتها
منهم بتعرفو إزا هيي زوق ولا لأ :)

مـسـآحـيـقـكـِ آلـتـجـمـيـلـيـة ~

1- هل أنتِ من هوآة وضع مسآحيق آلتجميل ( آلمكيآج ) دائماً ؟
أم تكتفين به في آلمنآسبآت آلكبيرة ؟
امممم نعم .. بحب المكياج دائماً ، بس بفضّل المكياج الخفيف سواء مناسبة أو غيره

2- مآ هو نوع شركة مسآحيقكـِ ( مآركة مكيآجكـِ ) ؟
من كزا مكان ، يمكن أكتر شي ليندكس .. وفي محل تاني بس مش حافظة إسمه

3- هل تحبين وضع آلمسآحيق بنفسكـِ أم تفضلين أن يضعهآ غيركـِ لكـِ ؟ ولمآذآ ؟

ما بحب أبداً حدا يعملي شي ، سواء مكياج أو شعر أو أي شي تاني لإنو ما حدا بيعرف شو بدي قدي ، ولو ما عجبني فالحق بحطو عليّ مش ع غيري .. مع إنو دايماً بيعجبني اللي بعمله لإني متمرسة فيه أكتر من الآخرين ، ولإني ما بغير كتير بطريقة المكياج ..

عـنـآيـتـكـِ بـبـشـرتـكـِ ~

1- مآ هي نوعية آلصآبون آلذي تغسلين به بشرتكـِ ووجهكـِ ؟
ما عندي صابون مخصص للبشرة ، بغسل بالصابون العادي واللي ما عمري انتبهت شو اسمو

2- هل تستخدمين ( آلواقي من أشعة آلشمس ) حين تخرجين لمكآن يعرضكـِ لهآ ؟
لأ .. هيّ فين الشمس اللي عنا :) هههه والله بنشتاقلها .. يمكن بنشوفها أسبوعين بالسنة بس

3- لو رأيتِ ( حب شبآب ) في بشرتكـِ ، هل تسآرعين إلى آلطبيبة للعلآج ؟

اممم ما عندي حبوب شباب ، بس لو صار نعم بروح للطبيبة طيران

4- هل سبق وأن نظفتِ بشرتكـِ بآلبُخآر ؟

لأ ..
مع إني محتاجة هيك أشياء وأهتم أكتر ببشرتي بس بكسل
بستخدم بس كريم نهار وكريم ليلي .. ومعظم الأحيان بنسى أداوم عليه
وكل فترة بعمل ماسك أو خلطة بالبيت .. أو بالأصح إزا إمي عملته بحط وإزا ما عملته ما بدوّر