[.. ريتّـــا ..]

ليش صاحية بكير
لإني نمت بدري مبارح ، وهوي عادةً نمت بدري ولا متأخر بصحى بنفس المعاد :)


شو بتعملي بهالفترة
قاعدة بالبيت بحضّر للفصل الدراسي الجديد اللي رح يبدا بعد 12 يوم عنا
النشاط الوحيد اللي بعمله بالإجازة إني باخد دروس سواقة ،
كان المفروض أسافر هالصيف لهيك ما ربطت حالي بدراسة أو أي شي تاني ،
بس صارت ظروف وما سافرنا
اضطرينا نقضيها نت :)

ليش انتي هادية
لو حكيتي هالحكي لإمي كان يمكن كان فكرتك بتحكي عن حدا تاني ^^
أنا ع النت بس هادية ، طبيعتي بالواقع كتير حركية ويمكن حركشية ومشكلجية كمان :)


بحسك بتقراي كتيير صح ولا مو غلط :)
أوقاتْ ..
أيام الدراسة يا دوب أقرا منهاجي :)
بأوقات الإجازة شغلة مزاج .. بس بعشق القراءة
عادة ما بلاقي حالي إلا بشغلتين .. الرقص والقراءة :)