[.. ريتّـــا ..]

أسئلة أسد22:

ما رأيك بشباب اليوم؟
بعضه ماشاالله عليه ، وبعضه (؟!)

ما رأيك في التعليم في الدول العربية؟
متدنّي إلى حدٍ ما ، لإنو بيعتمد مناهج أكل الدرب عليها وشرب ،
ولإنو بيعتمد طريقة حشو الدماغ أكتر من التدريب العملي
ولإنهم ما بيهتموا كتير بالحالة النفسية للطلاب
هادي نظرتي من بعيد .. بس ما بعرف الأوضاع عن كثب :)

ما هي ايجبيات الدول الاوربية؟
فرص عمل ، فرص تعليم ، اختلاط بأكبر عدد من الناس المختلفين عن بعضهم بالثقافات
يعني إنت بتتأثر فيهم وبتكوّن قناعاتك بنفسك بعيد عن العادات والتقاليد تبعت بلدك
يعني إنت بتعمل الشي وإنت راضي عنه مش مغصوب عليه :)
- مع العلم إني متحيّزة للعادات العربية أكتر -

ما هي سلبيات الدول الاوربية؟
اممم في ديمقراطية بكل شي ومع ذلك في عنصرية
الديمقراطية يخلقها القانون ، ولكن العنصرية يخلقها المواطنون
وشي تاني سلبي: أن القانون فوق الدين :)
ويمكن هاي إيجابية بالنسبة إلنا لإنو دينّا مش زيّ دينهم

شو صار بموضوع الشباب والعصر؟
في بالي والله

اخبرينا عن طفولتك البريئة
عادي شعنونة وعفريتة وحسن صبي هههه لا شيء مميز يُذكر :)

مواقف محرجة
اممم كنت رايحة مكتب اتصالات ، والمفروض أحكي مع شخص إسمه روجر
أول ما فتت المكتب منتبهتش على حالي وأنا بقولو: حضرتك هامبورجر؟
طبعاً هوي قلّي أيوة أنا هامبورجر شو تطلبي؟
وما انتبهت إنه اسمه روجر غير وأنا طالعة شفت اليافطة اللي ع الباب .. شردت بدون ولا كلمة

مواقف مرحة
امممم موقف قلتو قبل هيك
كان أبويا عامل حساب بالفيس بوك وضافني أنا وإخواتي
فـــ رحنا عملنا تيج لبعض وصرنا نحذّر بعض بالمصيبة هادي
وإخواتي كل واحد كلمة ، اللي يقول للتاني نضّف الفيس بوك تبعك ، واللي يقول شيل هديك الصورة
وعندي أخ مفعوص قال كلها يومين وبعملو بلوك لأبوكي
وبعد ما خلّصنا حديثنا الفيس بوكّي نادانا أبويا عندو وقالنا إنو شاف كل الكلام وصار يضحك علينا

ايام يصعب نسيانها ؟
مممم مش عارفة بصراحة ، ما في شي وجّعني كتير كتير كتير لدرجة إني أتمنى أنساه :)