لا إن شاالله بشردش ^_*
1: عـرفينا على ريتـا ؟ ( بطآقتك الشخصية )
بطاقتي الشخصية نسيت وينها هههه
بس أقولك كزا شغلة ، إسمي ريتّا وأكيد هادا مش إسمي الحقيقي
لكن سمّيت حالي ريتّا لتأثّري بقصيدة محمود درويش " ريتا والبندقية " اللي غناها مارسيل خليفة
وكانت أحلى أغنية بسمعها من أغاني المقاومة :)
عمري .. مش بحبّ أقوله مش لإني كبيرة بالعمر .. بس لإن معظم الناس بتعتبر العمر مقياس .. وهالشي غلط بنظري ، فبحب الناس يعاملوني حسب معاملتي لهم ، مش حسب عمري :)
إقامتي .. سيكولوجياً بفلسطين ، وجزء مني في أوروبا لإنو الإنسان بيتأثر بما حوله وأنا بحب الإختلاط بالثقافات الأخرى والإندماج معها ، ولكن ليس الذوبان فيها
" مادام هذا الإندماج يوافق قناعاتي "
أما جغرافياً فمكان سكني أوروبا وتحديداً إحدى الدول الاسكندنافية :)
2: شو لونك المفضل ؟
بصفة عامة بحب الألوان الفاتحة والفاقعة كتير ، وبلبسي شبه بجزملك إنو ماعندي قطعة واحدة غامقة هههه
إن صار ووجدت فأكيد بكسرها بلون تاني :)
بالدرجة الأولى بحب الموف جدددددداً والعنابي الفاتح شوي ، بحب كمان الأصفر والأحمر والوردي
3: شو رأيك بمنتدى شبآب فلسطين بشكـل عآم ( إيجآبيات و سلبيـآت ) ؟
امممم رائع هادا كان انطباعي عنه قبل ما أسجل ، أيام ما كنت بتصفّح بس
لما سجّلت ما اختلفت كتير النظرة لكن توضّحت بعض الشيء
إنو في بعض المشاكل أو الحساسيات بين بعض الأعضاء :)