[.. ريتّـــا ..]

طيب شو دور الذكور عندكم؟ أنا بسمعك بتقولي نملة .. ملكة .. ما جبتي سيرة الذكور
عندكم ذكور بالعيلة؟

على فكرة تقريباً جميع مستعمرة النمل إناث
الإناث بالمستعمرات نسبتها 95%
والكور دورهم محصور في التزاوج والتلقيح مع الملكات بس
وخديلك هالمعلومة ، الذكر بعد إجراء عملية التزاوج والتلقيح يموت

شو !!
شكلي حقلب زلمة وأطالب بحقوق الذكور عندكو

إسكنّك زلمة تعالي

هاه؟
لا أصلاً أنا بحبكم
>> من خاف سلم
طيب بالنسبة لوضع البيض والولادة والتكاثر .. كيف؟

عادة الملكة هيّ المسؤولة عن الخلفة
بس ملكة النمل تختلف من نوع لآخر
ملكة النمل الأفريقي تضع بالشهر على الأقل 4 ملايين بيضة
وغالباً الإنتاج يكون من الإناث
وسلالة الإناث أضعاف أضعاف الذكور

أها
طب كم تصل أعماركم؟

الملكة غالباً تكون معمرة
وبيوصل عمرها لفوق الــــ 20 سنة

اممم .. طيب بينكم مشاكل؟ يعني تصير حروب بين قبائل النمل؟

آآى .. أحياناً بصير هجوم من القبائل الأخرى
والهدف دائماً الأكل والمخازن
وعلى فكرة ، عنا نظام أسرى وحروب
ومعلومة تانية .. يمكن كتار لاحظوها
النملة الميتة لا تُترك بمكانها
دائماً النملة الميتة بيحملوها أصحابها النملات وبيرجعو فيها للمستعمرة

أها .. طيب أنا بلاحظ كمان إنكو أحياناً بتحملو شغلات أكبر منكو ! كيف؟

الله سبحانه وتعالى أعطانا قدرة للإستشعار بقروننا
فنقدر من هالإستشعار نحدد وزن وكتلة وحجم القطعة اللي بدنا نحملها
وأحياناً نتّحد نملتين تلاتة أو أكتر ونتساعد في حمل قطعة واحدة

طيب ما تحسّي إنّا طولنا ع الجماعة؟ المعلومات كتيرة .. هل نكتفي بهذا القدر يا نمّولتي العزيزة؟

والله معك حق .. بدناش نتقّل دمّنا ع الجماعة
لذلك رح أعطيكو هاد اللينك
وإنتو أقرو براحتكو لو حابّين

طيب نمّولة رح نختم الموضوع هلأ
عندك كلمة أخيرة تقوليها لشباب فلسطين؟

آآى
بقولهم قول الله تعالى
{وَمَا مِنْ دَابَّةٍ فِي الأَرْضِ وَلا طَائِرٍ يَطِيرُ بِجَنَاحَيْهِ إِلاَّ أُمَمٌ أَمْثَالُكُمْ
مَا فَرَّطْنَا فِي الْكِتَابِ مِنْ شَىْءٍ ثُمَّ إِلَى رَبِّهِمْ يُحْشَرُونَ (38)}
(سورة الأنعام).

وهالآية بتدل على إنو كل صور الحياة الله خلقها في تجمعات شبيهة بالتجمعات الإنسانية
كل مخلوقات الكون بتبدا بأب وأم ، وبتربطهم حياة واحدة

وقال ابن كثير:
أَيْ أَصْنَاف مُصَنَّفَة تُعْرَف بِأَسْمَائِهَا. وَقَالَ قَتَادَة الطَّيْر أُمَّة وَالْإِنْس أُمَّة وَالْجِنّ
أُمَّة وَقَالَ السُّدِّيّ " إِلَّا أُمَم أَمْثَالكُمْ " أَيْ خَلْق أَمْثَالكُمْ

يعني باختصار محدّش يستهزيء فينا

هههههه لا والله بعد هالشرح عمري ما أستهزيء فيكي يا صديقني النملة
وحتى أصحابي بشباب فلسطين حيصيرو يعملو زيي

والحمد لله تمّ الموضوع بعد ساعات من البحث والتنقيب
والتجميع وإعادة الصياغة والترتيب والبحث عن الدلائل والصور والفيديوهات

الموضوع هاد بمناسبة شهر رمضان ، كل عام وإنتو بخير
ومقدّم هدية خاصة لصديقة خاصة جداً
هيّ بتتابعنا من خلف الأسوار
وأتوقع منها بيوم من الأيام تسجل معنا
هالموضوع هدية لعيونك أسوم

برعاية