[نور الهدى]

انا حاسة انك بتدور على اي واحدة بالمعايير العامة تتزوجها و خلاص .. يمكن عشان تقدر تتخلص من احساسك بالمسؤولية تجاه البنت الاولى

و بجد انت عم تتهور كتير .. و مش عارف اصلا ايش بدك .. و يمكن كل مرة بتغير رايك

رتب اولوياتك ..

الجمال و الاخلاق ابدا مش معيار وحيد لحياة زوجية سعيدة

الانسان عبارة عن طباع و شخصية و اهداف و نظرة للحياة .. لو ما اتفق 2 عليها مش ممكن يكون في سعادة زوجية

حتى لو كان فيه اخلاق ..

و كمثال خذ مثلا بنت .. اخلاقها عالية جدا و ما بتحط ميك ابة مثل ما بتحكي و الكل بيحكي عنها كويسة .. بس ما الها نفس النظرة للحياة ولا نفس الاهداف ولا نفس اسلوب الحياة ..

هل رح يكون في توافق بينكم ؟ تفتكر من حقك بهالحالة تفرض عليها نظرتك ؟

طيب لو هي سلمت لك و طاعتك في الصغيرة و الكبيرة مش رح تشوفها بعدين ضعيفة الشخصية ؟ ممسوحة الارادة ؟ عديمة الطموح ؟ راضخة ؟

طيب مش رح تحس بعدين بالملل و الضجر و انه ما في جديد بحياتك ولا في اخذ و رد ؟

هاد ازا كنت عندك نظرة للبنت على انه لازم تكون ذات شخصية و طموح ووو

بس فيك تنسى كل كلامي اذا كنت بتفكر انه البنت ما الها لازمة غير انها تجيب اولاد و تعملك اكل و باقي شغل البيت :)

و بهالحالة روح تزوج بنت الجيران و الف مبارك ^^

و خد هاد الرابط .. حلقة جميلة للدكتور طارق الحبيب عن اختيار شريك الحياة ..

هاد اول حزء منها .. و باقي الاجزاء بتلقاها هناك ع اليوتيوب

انا كنت دورتلك عليها من فترة بس ما حصلت فرصة اعطيك اياهم

http://www.youtube.com/watch?v=hHg_EmnhRzc

بالتوفيق

السلام عليكم