[حسام المصرى]

المشاركة الأصلية كتبت بواسطة صرخة الاقصى الحبيب اخى حسام بارك الله فيك
اعجبتنى ردودك وادلتك
انا كنت بسمع اغانى الاول لكن الحمد لله لما عرفت انها حرام تركتها
وبدات اسمع اناشيد اسلامية لكن لقيت انها فيها حاجات تشبه الموسيقى فلما سالت قالوا انها مجرد ايقاعات
بس حسيت انها متفرقش كتير عن الموسيقى فبصراحة سبتها لان صوت الايقاع طاغى على كلام الانشودة فمتعرفش تفهم الكلام كويس
ايه هيجرى يعنى لو انشدوا بدون موسقى او حتى ايقاعات والله صوتهم الربانى كده احسن بدون محسنات صوت او موسيقى
وللاسف فى اناشيد كتيرة وكلماتها جميلة اوى زى الاناشيد اللى طلعوها عن الثورة ببقى نفسى اسمعها لكن ادام عرفت الصح من الخطا خلاص محللش الحرام على هوايا لكن بكتم الصوت نهائيا وبشاهدها كده
وربنا يغفر لنا ذنوبنا ويهدينا
وعلى فكرة انا بحب قناة طيور الجنة بس ياريت تكون بدون موسيقى هتبقى احلى
واقولك استمر اخى حسام فى دعوتك وربنا يوفقك

الإيقاعات فعلا .. شيوخ كثيرون أثبتوا أنها مثل النغمات تماما ولا داعى لها ...
ياريت صراحة يبطلوا موسيقى يعنى الواحد حتى لما بيسمع الكلام من غير موسيقى والله بيبتدى يفكر فى الكلام ..

غير اللحن بيخلى الواحد يتفاعل معاه هو فعلا صوت الشيطان ..
أنا ولاد خالتى كانوا بيتابعوها بس فى المسجد عرفوا أنه يستحسن يبطلوا يسمعوا الأناشيد بدون موسيقى .. لأنها تميت القلب .. الحمد لله بيقللوا تدريجيا ...

أنا مليان عيوب وأكيد الواحد عنده ذنوب كتير بيحاول يتخلص منها الحمد لله

جزاكى الله كل خير على ردك الدال على شخصية ناضجة تفهم الكلام وتأخذه على محمل الجد ..
وفقك الله وثبتك ورزقك الفدروس ..