السلام عليكم ...
1-اوصف/ي لنا طفولتك(بالتفصيل)
مممم صراحة كنت شقي كتير في الحارة
تنطنط ليل نهار في الشوارع نلعب نروح ع وجه المغرب ناكل قتلة علشان اواعينا
بتكون معالمها راحت من كتر الغبرة والوسخ
بعدين كل اسبوع لازم اطبش اتكسر من كتر ما كنا انطنط ع حيطان المدارس واحنا نلعب
بس كنت معزوز كتير وانا صغير من عمامي واهلي طشات وهدايا وكل شي
2-هل تتمنى ان تعود/ى طفلا؟ولماذا؟
يااااااااريت ,,, لانو الطفولة اروع واجمل مرحلة في حياتي
كلها بسيطة ولعب بعيد عن الهموم
3-هل كنت/ى طفلا مدللا؟
بصراحة ع الااااااااخر من كل العيلة
لانو كنت اكتر واحد فايع في دار العيلة ودايما بنطنط ومجننهم
4-هل مريت/ى بصعوبات خلال فترة طفولتك؟
مممم لا بس بتذكر قصة وانا عمري شهر
ايام الانتفاضة الاولى اليهود كانو لسة في غزة ما طلعو من غزة
فاجو ع بيتنا ورمو قنابل غاااز واقتحمو البيت كل العيلة طلعو من الدار وشردو
ونسيوني في التخت .. في الطريق وهم شاردين ابوي تذكرني
رجع ع الدار بسرعة لقاني ازرق ازرق وما بتنفس بالمرة من الغاز السام
فاخدتني وطلع من الدار بسرعة و اخدوني ع دكتور في الحارة
لانو كان حظر تجول فش حدا بطلع من بيتو
بس الحمد لله لحقوني باخر لحظة و انقذوني
5-هل كنت/ى طفلا هادئا ام خجولا ام مشاغبا؟
كنت شقي كتييير بس خجووول لدرجة كبيرة جدا جدا ولليوم
مشكلتي هذه ...
6-اذكر/ى لنا حادثا مر بك خلال طفولتك ولم تنساه للان؟
ههههههههههههه حادث مش طبيعي
هادا كنا مربيين حمام في حوش البيت
فمرة كان في تنكة غرا الي بلزقو فيها الخشب في المنجرة
فبدنا نشوفو كيف بولع ,,, كنت انا واخوي الاكبر مني
فراح ولع عود كبريت ورماه جوا التنكة والنار تهب في وجهنا مرة وحدة ههههههههههههه
وصواااااااااااااات يا وردي فزعنا الحارة كلها
يومها الحمد لله ما صار شي بس شعرنا تشعوط من قدام واجت ع خير
الز شي في الموقف هادا انو انا واخوي جرينا مع بعض لما وصلنا صالون الدار واحنا نعيط
وارتمينا ع الارض مع بعض ههههه منظر مش طبيعي
7-اين كنت/ى تقضي/ ين معظم وقتك؟
ممم كنا نلعب سمطة و شريدة في الشارع
8-لعبتك المفضلة؟
الشريدة
9-هل كنت/ى طفلا اجتماعيا ام انطوائي ولا تحب/ ين اللعب والمخالطة؟
لا كنت اجتماعي بس ما بحب الغربا كتير بس الي باخد عليه بياكل هوا بجنن اهلووو
10-لديك اصحاب من الطفولة؟وهل بقيت/ى معهم ام باعدتكم الاقدار؟
اكييد لليوم واحنا في نفس الحارة ومع بعض
11-هل كنت/ى تحب افلام الكرتون؟وما هو كارتونك المفضل؟
كان في كل التلفزيون فش غير قناة فلسطين
وكانت فقرة الاطفال ع الساعة 3 قبل نشرة الاخبار
يجيبو حلقتين تلاتة لتوم وجيري وخلص
وكنا نحضر على اسرائيل الاولى برضو مسلسل سالي والشلة هذه الصبح
12-كيف كانت علاقتك باخوانك واخواتك؟
كانت لووووز
13-ما هو اصعب موقف حدث لك/ى في طفولتك ولم تستطع/ ين نسيانه؟
مممم فش موقع بارز غير الي ذكرتو فوق
14-هل هناك انسان معين غرت منه في طفولتك..ولماذا؟
اه جارنا كان بصفي وكنت انا دايما الاول وهو ينجح بغش طول عمروو
فلما يجيب اعلى مني انقهر لانو كان غشاااااش محترف وما يدرس
15-صف/ى لنا موقفك اول يوم دخولك للمدرسة؟
انا ما درست روضة من كتر ما انا كنت فالح ههههه
ما حبيت الروضة بالمرة شردت منها كتير في الاخر ابوي طلعني منها
بس المدرسة تمام اول يوم كان صعب بس بعدها مشي الوضع عادي
16-شيء كنت/ى تتمناه بطفولتك ولم تحصل/ ين عليه؟
الحمد لله ما كان ناقص علي شي
17-حلم الطفولة ما هو؟ وهل حققته؟
مصمم ومخرج محترف ,, بدينا في المشوار بس لسة ما وصلنا الاحتراف
18-ما هي الكلمات التي كنت/ى ترددها في طفولتك؟
اي شي
19-هل كنت/ى مطيع/ه لوالديك؟
ممم اكييد بس يعني فش طفل ما كان يغلب اهلو في المشاوير ههههه
.
يعطيكي الف عافية نرمين ع الموضوع الحلو ,,,
: )