رد: { حسام المصرى } امنياتك في الحياة ~
هل تقوم بكتابة اهداف لنفسك؟
يس .. الكتابة أفضل الطرق أنك توصل للمخ الإشارات للسعى فى تحقيق الهدف باستمرار .. ومعظم الذين وصلوا لأهدافهم كانوا كاتبينها .. أنا عامل ورقة وحاططها جمب السرير بتاعى وقبل منام ببص فى الورقة وبقرأ الأهداف .. من محاضرة تنمية بشرية عرفت هيك ..
هل تقوم/ين بمتابعة هذه الاهداف باستمرار؟
كل يوم الحمد لله
ما هي الامنيات التي تتمنى/ي ان تتحقق على الصعيد الديني؟
نفسى أوصل لدرجة الإيمان اللى تجلعنى حاسس بالرضا عن نفسى ورضا الله عنى ..
نفسى بيت الرسول والحرم المكى
ما هي الامنيات التي تتمنى/ي ان تتحقق على الصعيد المالي؟
الفلوس بالنسبالى وسيلة مش غاية .. يعنى بتمنى فلوس تعيشنى مرتاح وميسور الحال .. وأقدر بيهم أواجه أى مشكلة تقابلنى فى الحياة وتحتاج إلى المال للحل ..
ما هي الامنيات التي تتمنى/ي ان تتحقق على الصعيد الوظيفي؟
بتمنى أشتغل فى شركة إسمها halliburton >> هى شركة بترول أمريكية من أكبر شركات العالم .. وبتمنى يكون ليا منصب كبير هناك وأطلب بالإسم فى أى شركة .. فى العالم .. وأختار المقابل المادى اللى بريده والتيم اللى هيشتغل معايا ..
كمان أخويا فى هندسة قسم ميكانيكا .. بدى أنا وهو نعمل شركة بترول مصرية ونسميها قوبيصكو للبترول .. ده لأن اسمى حسام قبيصى .. وده حلمنا أنا وهو من واحنا فى الثانوية وان شاء الله هيتحقق
ما هي الامنيات التي تتمنى/ي ان تتحقق على الصعيد الصحي والاجتماعي والعائلي؟
الصحى . بدى أتخن شوى لأن وزنى 62 فقط .. الاجتماعى والعائلى أكيد بتمنى مشوفشى مشاكل خالص بين أى حد وكلنا نساعد بعض ونحب بعض ..
وأخيرا بتمنى أتزوج إنسانة تحبنى وتصونى ويرزقنا بذرية صالحة تساهم فى نصرة الأمة
هل كان لك/ي في الماضي امنيات ترغبها بشدة وتحققت ؟
انا سنى لسة صغير وأمنياتى ما زالت فى ريعان شبابها معظمها ما تحقق .. لكن اللى تحقق أنى الحمد لله جبت 100 % فى الثانوية العامة .. وحققت أمل والداى أنى أكون مهندس ..
هل يوجد لك/ي امنيات ترغبها وتصر عليها وتعمل عليها ولكنها لم تتحقق حتى الان ، بحيث تشعر انها صعبة التحقق؟
مفيش حاجة إسمها مستحيل أى شئ بيتحقق بإذن الله ..
أكيد فيه حجات بحاول أحققها .. " اتجوز بنت الجيران " مثلا ..ههههه
هل انت متفائل بان الله عز وجل يوهب الانسان ما يريده في هذه الدنيا ما دام في الحلال؟
أعتقد أن ربنا بيدى كل بنى آدم فى الحياة الدنيا مدام بيتعب .. جزئية حلال أو حرام ..
اليهود والنصارى عندهم شركات خمور وكمبيوتر غير أشياء الفساد الأخرى وبالنسبالهم دى أهداف ومحققينها ولكن حسابهم يوم القيامة ..
موضوع جميل جدا ..
بختار .. الطالبة المتميزة ..
|