[حسام المصرى]

هو لنتفق بس على حاجة أن الناس مبقتش بتساعد بعضها ومفيش تكافل بينهم .. معظم الأغنياء بينسوا الفقراء ..

وللأسف الناس دخلها بسيط جدا ما يكفيش عيش حاف .. ولو واحدة مثلا زوجها توفى ومتركلهاش شئ مش بتلاقى اللى يساعدها وبتطرق جميع الأبواب .. عشان تشتغل .. لكن للأسف حتى الشغل مش موجود ولو موجود بمرتبات فى الضياع .. عشان كده الناس بتلجأ للتسول بسبب ظروف المجتمع .. وفعلا مهنة ناجحة جدا ممكن الواحد يجيلوا 100 جنيه فى اليوم منهم .. وده اللى بيخلى ناس كتير تنصرف لده ..

وهو معظم المتسولين سيدات .. وأغلبهم بيلبسوا نقاب عشان ما يبانشى شخصياتهم وفيه ناس بيبقى لازم تتسول فعلا عشان تعيش .. منظلمش كل الناس ..

فيه حجات والله تقطع القلب .. ست بنتها مريضة وماشية .. بس تقول أن بنتها مريضة ومعاها ورق يثبت ده .. ومش بتجبرك أنك تديها فلوس .. وتعد تتحايل عليك ..ومن غير ما أبص فى الورق أو الناس .. بتدى الشخص اللى أدامها لما تحس أنها صادقة ..

كمان فيه ناس بيجولك لحد البيت ودى بتبقى رخمة أوى .. عن نفسى تعلمت فى بيتى أنى لا أرد سائلا جاء لى لمنزلى بل أعامله بمنهى الأخلاق وأديله اللى ربنا يقدرنى عليه ..

لكن الناس اللى فى الشارع واللى بيبقى بيجبرك أنك تديله ويعد يتمسح فيك بطريقة بايخة أوى بحيث أنه مش هيمشى غير لما واحد فى الميكروباص مثلا أو مجموعة .. واحد منهم يديله فلوس فدول أنا مش بحب طريقتهم خالص .. والمعظم مش بديلهم ..

كمان الموضه أنك تلاقى شب أو شابة زى الشحط ولبسه كويس ويقولك .. الحوار المعروف ..

مممكن بس يا صاحبى تدينى 3 جنيه .. أروح بيهم .. أو أفطر ..
فده بقى تعمل معاه الآتى .. إما تظنشه وتمشى .. أو تقوله تمام عايز ترركب فين وأنا هدفع للسواق فلوس مواصلاتك .. طبعا مش هيرضى ..


واحدة اديتلها جنيه .. وده بالنسبالى ثروة .. لقيتها بتقولى فيه حد بيشحت بجنيه دلوقتى ..
أنا سمعت البق ده رحت راجعلها وقايلها هاتى الجنيه .. لحد ما خدته منها بالعافية ..


المعظم بس عاطفى عشان كده بيدى فلوس لأنه بيقول يا عم يا عالم يمكن تدعيلى دعوة حلوة ربنا يدينى بيها خير كبير وما نقص مال من صدقة ..

عشان كده اللى يدى لازم يخلى نيته أنه يتصدق ..

وفى نفس الوقت المؤمن كيس فطن يعنى مش أى حد يديه ..
بس فى جزئية الأكل لو حد متسول شافك بتاكل .. لازم تديله من الأكل اللى بتاكله لحس تزور وتموت .. ههههه

ويبقى اللوم على الدولة المسلمة ..
لازم تعمل جمعيات تكافل اجتماعى .. والمساجد يكون ليها دور كبير .. والناس تتعلم تساعد بعض لأن والله الفلوس دى شئ ميستحقش أننا نحبه بالطريقة دى .. يعنى لما يكون مع شخص مليوم جنيه .. وميهونشى عليه يطلع فلوس ده يبقى إيه ..

وكلنا طبعا عارفين عمر بن الخطاب كان أمير المؤنين وكان ينام تحت شجرة .. والرسول كان من الجوع يضع حجرا على بطنه ..

ولو الدولة عملت التكافل ووفرت فرص العمل ده يبقى خلاص ..
تعمل قوانين تمنع التسول ومش هتلاقى حد يقدر يتسول

لكن بقى الدولة لما متكونشى عاملة ده كله وكمان اللى يا عينى يعمل فرش ويبيع عليه حجات بسيطة فى ميدان ما عشان يرجع ويأكل عياله لقمة .. وتيجى الحكومة وتاخد مصدر رزق عيشه وتقول عليهم بيبوظوا السياحة فوالله ده شئ ميرضيش ربنا .. وهيكون سبب أن الإجرام ينتشر ..

والإنسان لازم يعرف أن الدنيا قلابه .. يوم فوق ويم تحت .. ويبقاش ليك غير عملك الصالح وحب الناس ليك ..
والحمد لله فى بلدى .. بشوف ناس بتقسم لقمتها بالنص .... وفيه ححب بين الجيران وبيتهادوا ..

إن شاء الله .. ربنا ما يخليش أى مسلم محتاج ..
الموضوع ده بيقطع قلبى دايما .. لازما يعنى تحطيه ..