[حسام المصرى]

هقول رأيى أنا ببساطة ..

هو مبدأيا انا مش بنظر لبنات الفيس كلهم انهم مش محترمات .. فهذا خطأ ..

نسبة كبيرة جدا ما شاء الله محترمين أوى .. وعارفين الأصول ..

بس صراحة أى بنت بتحط صورتها .. بعرف انها مش محترمة علطول .. والبنت دى بتكون مستهدفة من الشباب .. وواحدة واحدة تقدر تتسلى معاها على مزاجك .. بس أكيد اللى يعمل هيك لا ينتمى لأخلاق الإسلام بشئ ..


أنا زمان كنت بضيف بنات .. بس معظمهم أجانب ..
واتحادثت مع كتير منهم .. بجد هما أذكيا واستفدت منهم وعرتف عن ثقافتهم بس بيتكلموا فى أى شئ ودى مشكلة ..


من عادتى لو بنت ضافتنى مش برفض طلب الصداقة أو لو أى شخص .. يعنى من باب الذوق ..
من المواقف الرخمة اللى على الفيس ..
بنت من دولة شقيقة تقريبا شافت رد ليا عجبها .. على جروب .. ضافتنى وكلمتنى وقالتلى انها معجبة بشخصيتى والحوارات دى .. أنا صراحة لو بكلم بنت .. بشوف إيه آخرها .. لو لقيتها مش كويسة بمسحها لو كويسة بسيبها عندى ..


المهم البنت قعدت تتكلم معايا كتير جدا وانا أساسا منفوخ منها .. بعدين لما خلصنا قالتلى هتعد على الفيس امتى .. قلتلها عندى امتحانات يمكن أسبوعين .. راحت قالتلى خلاص خد رقم الموبايل بتاعى وهات رقم موبايلك وانا هتصل بيك .. ههههههه ..

صراحة ادتهولها وسجلت الرقم .. بس بعد ما قعدت شوية لقيت انى غلطت .. وهرتكب ذنب رحت ماسحها من عندى خالص .. ولما سألتنى ليه مسحتها قلتلها أنا مسحت كل البنات .. آسف ..

وحصل موقف .. أن بنت محترمة جدا جدا جدا .. ضافتنى وكتير استفدت منها .. بعدين قالتلى أنها مش هتحكى مع ولاد ومسحتنى .. ولحد دلوقتى زعلان .. ههههههه


البنات اللى عندى .. معظمهم محترمين .. اللى مدرب تنمية بشرية واللى دكتور وبعض زمايلى فى كورسات .. يعنى .. ومنهم ناس فى المنتديات الى مشرتك فيها


جزئية لو خطيبتى لقيتها ضايفة ولاد ومعلقة على صورهم أو لو حتى لقيتها فى منتدى وبعته رسائل لأشخاص على المنتدى وبتهزر معاهم بطريقة مفتوحة أوى ..

أكيد هواجهها ولو حسستنى أن الأمر ده عادى يعنى .. أكيد هننفصل علطول .. لأنى مآمنش لواحدة كده ..
لكن لو حسستنى أنها غلطانة وندمانه ومش هتعمل كده تانى .. اكيد بسامحها لانى بحبها جدا ..

البنت عشان تكون محترمة بالنسبالى .. على النت ..
عايزها لو حد قعد جنبها على الكمبيوتر سواء اخوها او أبوها أو أى شخص .. ما تخاف أو تتوتر لأنها مش بتعمل حاجة غلط .. عشان تخبيها ..

واهم شئ تكون بتحكى بس فى العام وبحدود فى الهزار .. ومتضيفشى ولاد .. ومتحطش أى بيانات تتعلق بيها .. حتى إسمها ياريت ما تحطه ..
حياتى من غير فيس بوك .. صعبة أوى ..
لانى هواجه مشكلة فىا لتواصل .. انا محاضراتى بتنزل على الفيس والدورات اللى بتابعها على الفيس وأى معاد أنا وصحابى على الفيس .. وحجات كتير..

استفدت من الفيس بوك اكتر ما خسرت الحمد لله ..